Սէյիտ Նասրալլա. «Կը Հաստատենք Յանձնառու Մնալ «Քորոնա» Համաճարակի Տարածումի Կանխարգիլման Միջոցառումներուն Եւ Համբերել` Այս Պայքարէն Յաղթական Դուրս Գալու Համար»

0
172

Հըզպալլայի ընդհանուր քարտուղար սէյիտ Հասան Նասրալլա երէկ երեկոյեան ժամը 9:00-ին, «Մանար» պատկերասփիւռի կայանէն արտասանեց պատկերասփռուած ճառ մը` Շաապան ամսուան կիսուն գտնուելու առիթով:

Սէյիտ Նասրալլա վերստին շնորհակալութիւն յայտնեց լիբանանեան պետութեան եւ համապատասխան բոլոր նախարարութիւններուն, ինչպէս նաեւ բոլոր անոնց, որոնք կը պայքարին Լիբանանի մէջ «Քորոնա» ժահրի տարածումին դէմ:

Սէյիտ Նասրալլա յատուկ շնորհակալութիւն յայտնեց առողջապահութեան նախարարութեան եւ բժշկական անձնակազմերուն, որոնք կը փորձեն հակակշիռի տակ պահել «Քորոնա» համաճարակին տարածումը, ինչպէս նաեւ բուժել վարակուածները:

Սէյիտ Նասրալլա հաստատեց, որ ինք բազմաթիւ նամակներ ստացած է իսլամ բժիշկներէ եւ բժշկական անձնակազմերէ, այնպէս ինչպէս 2006-ին Դիմադրութեան մարտիկներէն ստացած է նամակներ:

Ան նշեց, որ ինք իր կարգին անոնց պատասխանած է նամակով մը, որուն մէջ հաստատած է, որ Աստուծմէ ետք անոնք են ժողովուրդին յոյսը:

Սէյիտ Նասրալլա հաստատեց «Քորոնա» համաճարակի տարածումի կանխարգիլման միջոցառումներուն յանձնառու մնալու, նախանձախնդրութեան մէջ չթուլնալու, ինչպէս նաեւ համբերելու կարեւորութիւնը` այս պայքարէն յաղթական դուրս գալու համար:

LEAVE A REPLY

Please enter your comment!
Please enter your name here