Մոսկուայի Մէջ Մահացած Է Հանրայայտ Բնագէտ` Միշիկ Ղազարեանը

0
265

7 ապրիլին Մոսկուայի «Նովոմոսկովսկի» բժշկական կեդրոնին մէջ մահացած է յայտնի բնագէտ, փրոֆեսէօր Միշիկ Ղազարեանը: Քանի մը օր առաջ նոյն հիւանդանոցին մէջ մահացած էր նաեւ անոր կինը` համաճարակաբան, բժշկական գիտութիւններու դոկտոր, փրոֆեսէօր Արփիկ Հասրաթեանը, որուն մօտ «Քորոնա» ժահր ախտորոշուած էր:

Ամոլը հիւանդանոց տեղափոխուած էին մարտի կէսերուն: Անոնք կապ չեն ունեցած «Քորոնա» ժահրով վարակուած ոեւէ անձի հետ, այդուհանդերձ, կնոջ քննութիւնը դրական եղած է, եւ Հասրաթեանը մահացած է 26 մարտին:

Բժիշկները շարունակած են պայքարիլ Ղազարեանի կեանքին համար, սակայն անոր մօտ երկկողմանի թոքաբորբ զարգացած է, եւ չեն յաջողած փրկել անոր կեանքը:

LEAVE A REPLY

Please enter your comment!
Please enter your name here