«Արցախի Ընտրութիւնները Աշխարհի Համար Ժողովրդավարական Ընտրութիւններու Օրինակ Են». Վլատիմիր Զախարով

0
382

ԵՐԵՒԱՆ, «Արմէնփրէս».- Արցախի նախագահական ընտրութիւններու երկրորդ փուլին դիտորդական առաքելութիւն կատարած, Սեւծովեան-Կասպեան տարածաշրջանի քաղաքական եւ ընկերային հետազօտութիւններու հիմնարկի տնօրէն Վլատիմիր Զախարով Արցախի ընտրութիւնները նկատեց աշխարհի համար ժողովրդավարական ընտրութիւններու կայացման օրինակ:

Մամլոյ ասուլիսի մը ընթացքին ըսաւ Զախարով. «Թէ՛ 31 Մարտի համապետական ընտրութիւնները եւ թէ նախօրէի նախագահական ընտրութիւններու երկրոդ փուլը տեղի ունեցան ժողովրդավար պայմաններու մէջ: Դեռ աւելին, կապ հաստատելով մարդոց հետ, ես տեսայ, որ, մարդիկ աւելի շատ կը խօսին Արցախի զարգացման մասին: Կը կարծեմ՝ արցախեան ընտրութիւնները աշխարհի համար օրինակ են, թէ ինչպէ՛ս պէտք է ըլլան ժողովրդավարական ընտրութիւնները», յայտնեց Զախարով:

LEAVE A REPLY

Please enter your comment!
Please enter your name here