Ապրիլ 24ին՝ Նոյն Ժամուն, Պիտի Հնչեն Բոլոր Եկեղեցիներուն Զանգերը

0
402

ԵՐԵՒԱՆ, «Արմէնփրէս».- Հայոց Ցեղասպանութեան յիշատակութեան օրը՝ Ապրիլ 24-ին, ժամը 10։30ին (Երեւանի ժամանակացոյցով), Մայր աթոռ Սուրբ Էջմիածինի եւ Հայաստանեայց առաքելական բոլոր եկեղեցիներուն մէջ դռնփակ պիտի մատուցուի Ս. պատարագ, որուն աւարտին պիտի կատարուի Հայոց Ցեղասպանութեան նահատակներու բարեխօսական կարգը: Այս մասին յայտնեցին Մայր աթոռի տեղեկատուական համակարգէն։

Նոյն օրը, ժամը 12-ին, պիտի հնչեն բոլոր եկեղեցիներուն զանգերը՝ Հայոց Ցեղասպանութեան զոհերու յիշատակին։

«Մայր Աթոռ Սուրբ Էջմիածինը հրաւիրում է մեր ժողովրդի զաւակներին՝ համավարակի այս դժուարին պայմաններում, նուիրական այս օրը իրենց տներում աղօթակից լինել հոգեւոր դասին եւ միաբան ու միասիրտ հայցել մեր սուրբ նահատակների բարեխօսութիւնը առ Աստուած՝ աշխարհասփիւռ մեր ժողովրդի առողջ ու անվտանգ կեանքի եւ մեր հայրենիքի խաղաղութեան ու բարօրութեան համար», կը յայտնէ Մայր աթոռը։

LEAVE A REPLY

Please enter your comment!
Please enter your name here