Մնացականեանի, Մամետիարովի Եւ ԵԱՀԿի Մինսկի Խմբակի Միացեալ Յայտարարութիւնը

0
247

Հայաստանի Հանրապետութեան արտաքին գործոց նախարար Զօհրապ Մնացականեան, Ատրպէյճանի արտաքին գործոց նախարար Էլմար Մամետիարով եւ ԵԱՀԿի Մինսկի խմբակի համանախագահները միացեալ յայտարարութիւն մը հրապարակեցին։

Ըստ «Արմէնփրես»ի՝ այս մասին կը տեղեկացուի Հայաստանի արտաքին գործոց նախարարության տարածած հաղորդագրութեան մէջ։

21 Ապրիլին տեղի ունեցաւ Հայաստանի եւ Ատրպէյճանի արտաքին գործոց նախարարներ Զօհրապ Մնացականեանի եւ Էլմար Մամետիարովի առցանց հանդիպումը, որ իրականացաւ ԵԱՀԿի Մինսկի խմբակի համանախագահներ Իկոր Փոփովի (Ռուսիա), Սթեֆան Վիսքոնթիի (Ֆրանսա), Էնտրիւ Շոֆըրի (Միացեալ Նահանգներ), ինչպէս նաեւ ԵԱՀԿի գործող նախագահի անձնական ներկայացուցիչ Անճէյ Քասփըրչիքի միջնորդութեամբ եւ մասնակցութեամբ։

Մասնակցողները քննարկեցին շրջանին մէջ «Քորոնա» ժահրի տարածման պատճառով ստեղծուած իրավիճակը՝ ընդգծելով, որ այս նոր մարտահրաւէրին դիմաց կը գտնուին շրջանի բոլոր ժողովուրդները՝ անկախ անոնց քաղաքական սահմաններէն: Անդրադարձ կատարուեցաւ շրջանին մէջ տեղի ունեցած վերջին զարգացումներուն:

«Քորոնա» ժահրին դէմ մղուող համաշխարհային պայքարի ծիրին մէջ, յատկապէս ընդգծուեցաւ զինադադարի դրութեան անվերապահ պահպանման եւ ամրապնդման ուղղութեամբ քայլերու ձեռնարկելու անհրաժեշտութիւնը: Այս տեսակէտէն՝ ԵԱՀԿի Մինսկի խմբակի համանախագահները կարեւոր նկատեցին իրենց յայտարարութիւնը եւ ՄԱԿի Ընդհանուր քարտուղարին համաշխարհային զինադադարին վերաբերեալ կոչը:

21 Ապրիլիին տեղի ունեցած նշեալ խորհրդակցութիւններէն ետք ընդունուեցաւ Հայաստանի եւ Ատրպէյճանի արտաքին գործոց նախարարներուն եւ ԵԱՀԿ Մինսկի խմբակի համանախագահներուն միացեալ յայտարարութիւնը:

LEAVE A REPLY

Please enter your comment!
Please enter your name here