ԱՌԻ-ն Կը Շնորհաւորէ Արցախի Նորընտիր Նախագահը

0
192

«Արցախ Ռութց ինվեսթմընթց» (ԱՌԻ) ընկերութեան վարչական խորհուրդին կողմէ նախագահ Սուրէն Սարգիսեան հետեւեալ շնորհաւորագիր մը յղած է Արցախի նորընտիր նախագահ Արայիկ Յարութիւնեանին:

«Սոյն գրութեամբ կու գանք մեր անկեղծ ուրախութիւնն ու շնորհաւորանքը յայտնելու ձեզի` նախագահի բարձր պաշտօնին ընտրուելու առիթով:

Ձեր վարչապետութեան տարիներուն միասին մեր ունեցած փորձառութիւնը մեզ կը յուսադրէ` կանխատեսելու գործնական յաջողութիւններ:

Իբրեւ ԱՌԻ-ի բաժնետէրեր եւ գործընկերներ, մեր մէջ գոյութիւն ունի այն համոզումը եւ կամքը, որ պիտի կարենաք յաղթահարել ամէն տեսակի դժուարութիւն, ներառեալ` «Քորոնա» ժահրի վարակէն յառաջացած տնտեսական ճգնաժամն ու արհաւիրքը:

Այս առիթով մեզի կը մնայ ձեզի եւ արցախցիներուն զօրակցիլ` մաղթելով կատարեալ առողջութիւն, ապահովութիւն եւ Արցախի ժողովուրդի ինքնորոշման իրաւունքի միջազգային ճանաչման իրագործում»:

LEAVE A REPLY

Please enter your comment!
Please enter your name here