«Արարատ» Ֆիլմը՝ Թուրքիոյ Մէջ Արգիլուած Ժապաւէններու Առաջին Հնգեակին Մէջ

0
272

ԵՐԵՒԱՆ, «Նիուզ», «Եռագոյն»․- Թրքական «Սոնտաքիքա» լրատուական կայքը հրապարակեց այն ֆիլմերուն խորագիրները, որոնք արգիլուած են ցուցադրուիլ Թուրքիոյ մէջ։ Հակառակ այդ արգելքին, թուրք հանդիսատեսը զանոնք դիտելու համար կը գտնէ արգելքը շրջացնելու միջոցներ եւ ֆիլմերը կը դիտէ համացանցի վրայ կամ յատուկ կայաններէ:

Արգիլուած ժապաւէններու հնգեակին մէջ յայտնուած է նաեւ «Արարատ»ը` գանատահայ բեմադրիչ Ատոմ Էկոյեանի Հայոց Ցեղասպանութեան մասին պատմող ֆիլմը: Ֆիլմը պատրաստուած է 2002-ին, իսկ Թուրքիոյ մէջ անիկա պատկերասփիւռի յատուկ ալիքին վրայ ցուցադրուած է 2006-ին: Ժապաւէնին մէջ գլխաւոր դերերէն մէկը կատարած էր Շարլ Ազնաւուրը:

Թուրքիոյ մէջ արգիլուած ֆիլմերու ցանկին վրայ են՝ Ալըն Փարքըրի «Կէսգիշերային Ճեպընթացը» (1978), Լարս Ֆոն Թրիերի «Վաւաշոտուհին» (2013), Տէյվիտ Լինի «Արաբիոյ Լորընսը» (1962) եւ Էլիա Քազանի «Ամերիքա, Ամերիքա» (1963) ժապաւէնները:

LEAVE A REPLY

Please enter your comment!
Please enter your name here