Արցախի Մէջ Հարուածային Անօդաչու Սարք Մը Փորձարկուեցաւ

0
183

ԵՐԵՒԱՆ, «Արմէնփրէս».- «Տիգրանակերտ» զօրավարժարանին մէջ, 19 Մայիսին, բանակի փորձարկման եզրափակիչ փուլը յաջողութեամբ յաղթահարեց Արցախի հանրապետութեան եւ պաշտպանութեան բանակի համապատասխան մասնագէտներուն կողմէ նախագծուած եւ արդիականացուած հարուածային անօդաչու թռչող սարքը: Այս մասին կը յայտնեն Արցախի Հանրապետութեան պաշտպանութեան նախարարութեան մամլոյ ծառայութենէն։

Անիկա կը գործէ տեղորոշման արհեստագիտական զանազան միջոցներէն անկախ, ունի խուսավարման ու կրակային խոցման բարձր կարելիութիւններ եւ արհեստագիտական բնութագիրներով չի զիջիր առաջնակարգ երկիրներու նման սարքերու ու կը կառավարուի դիւրութեամբ:

Յառաջիկայ ամիսներուն հարուածային անօդաչու սարքերը պիտի մտնեն պարբերական արտադրութեան փուլը եւ իրենց ամբողջական տեղը պիտի գրաւեն Արցախի պաշտպանական համակարգին մէջ:

Նշենք, որ փորձարկումներուն հետեւեցան Արցախի պաշտպանութեան նախարարութեան եւ բանակի հրամանատար զօրավար-հրամանատար Ճալալ Յարութիւնեան եւ բարձրաստիճան այլ զինուորականներ:

LEAVE A REPLY

Please enter your comment!
Please enter your name here