ՀՀ Վարչապետն ու Ընտանիքի Անդամները Վարակուած Են Պսակաւոր Ժահրով

0
298

ՀՀ վարչապետ Նիկոլ Փաշինեան եւ անոր ընտանիքի անդամները վարակուած են   պսակաւոր  ժահրով:

Վարչապետը  իր դիմատետրի  էջին մէջ  կատարած է  հետեւեալ արձանագրութիւնը:

«Երէկ պարզուած է, որ պսակաւոր ժահրի իմ զննումը դրական է, կ՝ուզեմ ըսել, որ որեւէ ախտանշան չեմ ունեցած։ Առաջնագիծ մեկնելու ծրագիր կար, որոշեցի զննուիլ, եւ անիկա դրական էր, որմէ ետք զննուեցաւ նաեւ ամբողջ ընտանիքս՝ բոլորս վարակուած ենք պսակաւոր ժահրով։ Մենք չունինք որեւէ ախտանշան, վերջին մէկ ամսուն ընթացքին ամէն օր աշխատանքի ներկայանալու ժամանակ, ինչպէս կարգն է, ջերմաչափուած եմ եւ չեմ ունեցած ջերմութիւն»:

ՀՀ վարչապետը կը նշէ, թէ  ընտանիքին անդամներուն ինք փոխանցած է ժահրը:

«Վարակուած եմ աշխատանքային խորհրդակցութիւններէն մէկուն ընթացքին։ Դէպք մը արձանագրած են, որ մէջս տպաւորուած է։ Խորհրդակցութիւններու ժամանակ կը դրուին ջուրի բաժակներ, եւ ես օր մը արձանագրեցի, որ այդ բաժակները կը դրուին առանց ձեռնոցի։ Տեղւոյն վրայ նկատողութիւն ըրի եւ առաջարկեցի փոխել, բայց կ՝ենթադրեմ, որ ատկէ առաջ ալ նոյնը եղած է, եւ այդ մատուցողին մօտ նոյնպէս հաստատուած է պսակաւոր  ժահրը,- կը նշէ վարչապետը։

Վարչապետը համոզուած է, որ  կառավարութեան  անդամներուն  չէ  փոխանցած ժահրը:

«Պիտի շարունակեմ աշխատիլ՝ վարչապետի կեցավայրէն։ Ունիմ բոլոր կապի միջոցները, մնացեալ բոլոր անհրաժեշտ պայմանները, աշխատասենեակ։ Որքան պէտք ըլլայ պիտի աշխատիմ այստեղէն, ի հարկէ, մեկուսացուածութեան պայմաններու մէջ։ Մեր ռազմավարութիւնն ու մարտավարութիւնը կը մնայ նոյնը, մենք պէտք է սորվինք ապրիլ պսակաւոր  ժահրի հետ։ Բոլորիս համար նոյն վիճակն է՝ չունինք ջերմութիւն եւ ախտանշաններ, բայց պէտք է հետեւինք, որովհետեւ կրնան այդ ախտանշանները որեւէ պահի ի յայտ գալ։ Մեր մտահոգութիւնը այն է, որ վարակած չըլլանք մեր մեր մայր-մեծ հայրերը, միջնորդաւորուած վարակի աղբիւր հանդիսացած չըլլանք»,- կը նշէ վարչապետ Փաշինեան՝ յորդորելով քաղաքացիները միշտ դիմակ կրելու, ինչպէս նաեւ պարբերաբար ախտահանելու ձեռքերը,- կ’եզրափակէ  վարչապետ  Փաշինեան։

LEAVE A REPLY

Please enter your comment!
Please enter your name here