ՇՆՈՐՀԱՒՈՐԱԿԱՆ

0
269

ՀԵԸ-ի Կեդրոնական Վարչութիւնը ջերմօրէն  կը  շնորհաւորէ փրոֆ. Արտեմ  Փաթափութեանը՝  Նորվեկիոյ Արքայական  Գիտութեանց Ակադեմիայի  ՔԱՎԼԻ (KAVLI )  մրցանակին արժանանալուն առիթով:

Հեղինակաւոր սոյն մրցանակին  յայտարարութիւնը կատարուեցաւ 27 Մայիս  2020-ին, Նիւ Եորքի մէջ, Գիտութեան համաշխարհային փառատօնին  ընթացքին:

Նոպէլեան  մրցանակին զուգահեռ  յանձնուող  ՔԱՎԼԻ մրցանակը կը  յատկացուի սրտի վրայ  ջղային դրութեան, մարդկային բջիջներու ունեցած ազդեցութեան շուրջ նորայայտ  հետազօտութիւններ եւ տեսութիւններ յայտնաբերող գիւտարարներուն:

53-ամեայ Արտեմ Փաթափութեան ծնած է  Պէյրութ: Ան զաւակն է  հանրածանօթ  գրող- թատերագիր  Սարգիս Վահագնին եւ ՀԲԸՄ-ի Տեմիրճեան վարժարանի երկարամեայ, տնօրէնուհի, մանկավարժ, կրթական մշակ  Հայկուհի Աճեմեան- Փաթափութեանի:  Յաճախած է  ՀԲԸՄ-ի Տեմիրճեան  վարժարանը:

Լիբանանի  քաղաքացիական  պատերազմին   հետեւանքով  ընտանիքին հետ  փոխադրուած է   Լոս Անճելըս: Պսակաւորի աստիճանը ստացած է  Հարաւային  Գալիֆորնիայի համալսարանէն, իսկ  դոկտորականը՝  հռչակաւոր ՔԱԼԹԷՔ  համալսարանէն:

Փրոֆ. Արտեմ  Փաթափութեան  1982-էն  ի վեր կը վարէ  Սքրիբս (SCRIPPS) գիտական  հաստատութեան «Փաթափութեան Փորձագիտական Տարրալուծարան»ը:

Նորանոր  յաջողութիւններ փրոֆ. Արտեմ  Փաթափութեանին:

ՀԵԸ-ի Կեդրոնական Վարչութիւն

LEAVE A REPLY

Please enter your comment!
Please enter your name here