Մենք Փաշինեաններ Եւ Զելենսքիներ Չունինք. Լուքաշենքօ

0
276

ՄԻՆՍՔ, «Պելթա»․- Պելոռուսի նախագահ Ալեքսանտր Լուքաշենքօ յայտարարեց, որ Պիելոռուսի մէջ «Մայտան»ներ պիտի չըլլան, ակնարկելով Ուքրանիոյ մէջ իշխանափոխութեան առաջնորդած ցոյցերու կեդրոն հանդիսացած հրապարակին:

«Մենք տեղեակ ենք այն նպատակներէն, որոնք ունին հոս որոշ քամի փչողներ: Այդ նպատակները մեզի յստակ են՝ նախագահական ընտրութեան շեմին կամ ընտրութեան օրը մեր մօտ Մայտան սարքել», յայտարարեց ան:

«Պէտք չէ մեզ համեմատել ուրիշներու հետ այնպէս, ինչպէս վերջերս դրացի երկրի թերթը կատարած էր` գրելով, թէ մեր մօտ նոր Փաշինեաններ ու նոր Զելենսքիներ (Ուքրանիոյ իշխանափոխութեան ղեկավար-Խմբ․) յայտնուած են, եւ որ մեր մօտ իրավիճակը գրեթէ նոյնն է, ինչխէս Հայաստանի կամ Ուքրանիոյ մէջ: Իրավիճակը տարբեր ձեւով կրնայ զարգանալ: Միայն թէ մենք Փաշինեաններ եւ Զելենսքիներ չունինք: Ինչպէս ալ տեղի ունեցած ըլլան Հայաստանի եւ Ուքրանիոյ մէջ իրադարձութիւնները, անոնք երկուքն ալ` թէ՛ Փաշինեան, թէ՛ Զելենսքի, տաղանդաւոր մարդիկ են: Ես անոնց արդէն մօտէն ծանօթ եմ: Անոնք անխօս տաղանդաւոր մարդիկ են եւ ամէնէն կարեւորը` իրենց երկիրներուն հայրենասէրներն են: Անոնք նուիրուած են իրենց երկիրներուն։ Իսկ մերիններէն ոմանք կ՛ուզեն ծախել բոլոր այն բաները, որոնք հոս ստեղծուած է ո՛չ միայն նախագահ Լուքաշենքոյի, ո՛չ միայն իշխանութեան կողմէ: Ժողովուրդին կողմէ ստեղծուած է: Ատոր համար ալ այդ մէկը կարելի չէ արտօնել», ըսաւ Լուքաշենքօ:

LEAVE A REPLY

Please enter your comment!
Please enter your name here