Վարչապետ Տիապ Ընդգծեց Քաղաքացիական Անվտանգութիւնը Պահպանելու Կարեւորութիւնը

0
274
Newly-assigned Lebanese Prime Minister, Hassan Diab, speaks to journalists after his meeting with Lebanese President Michel Aoun at the presidential palace, in Baabda, east of Beirut, Lebanon, Thursday, Dec. 19, 2019. Aoun named Diab as prime minister after a day of consultations with lawmakers in which he gained a simple majority of the 128-member parliament. Sixty-nine lawmakers, including the parliamentary bloc of the Shiite Hezbollah and Amal movements as well as lawmakers affiliated with President Michel Aoun gave him their votes. (AP Photo/Hussein Malla)

Վարչապետ Հասսան Տիապ երէկ ունեցած հանդիպումներուն ընթացքին ընդգծեց քաղաքացիական անվտանգութիւնը պահպանելու կարեւորութիւնը, որովհետեւ կայունութեան որեւէ խախտումի գինը պիտի վճարեն համայն լիբանանցիները, եւ ոչ թէ քաղաքական կողմ մը կամ միայն շրջան մը:

Տիապ հաստատեց, որ քաղաքացիական անվտանգութիւնը ազգային պատասխանատուութիւն է եւ քաղաքական բոլոր ուժերուն պատասխանատուութիւնն է, եւ ոչ միայն` կառավարութեան: «Հետեւաբար, ոչ ոք կրնայ այդ պատասխանատուութենէն խուսափիլ», ըսաւ ան:

Տիապ հաստատեց, որ շաբաթ գիշեր պատահածը զգուշացման ահազանգ մըն էր, որ պէտք է մղէ քաղաքական լարուածութիւն հրահրող բառամթերքին վերջ տալու:

Վարչապետը դիտել տուաւ, որ սադրանքները ազգային դասալքութեան համազօր են եւ պէտք է վերջ գտնեն:

«Այսօր պահանջուածը այն է, որ բոլորը միասնականութեամբ գործակցին եւ լիբանանցիներուն բեռը մեղմացնելու նպատակով աշխատին: Քաղաքական շահերու համար կարելի չէ ժողովուրդին ցաւերը շահագործել», հաստատեց Տիապ:

Միւս կողմէ, վարչապետ Տիապ նախագահեց նիստի մը, որուն ընթացքին քննարկուեցաւ Արաբական Միացեալ Էմիրութիւններուն մէջ ձերբակալուած լիբանանցիներուն թղթածրարը:

LEAVE A REPLY

Please enter your comment!
Please enter your name here