Ճորճ Ֆլոյտի Սպանութիւնը «Ամբողջ Աշխարհը Պիտի Փոխէ»․ Պայտըն

0
390

ՀԻՒՍԹԸՆ, «Պի․Պի․Սի․»․- Մինէափոլիսի մէջ ոստիկանի մը կողմէ սպաննուած 46-ամեայ սեւամորթ քաղաքացի Ճորճ Ֆլոյտի ընտանեական պարագաներուն հետ հանդիպում մը ունեցած Միացեալ Նահանգներու նախագահութեան թեկնածու Ճօ Պայտըն Երեքշաբթի օր յայտարարեց, որ վերջին քանի մը շաբաթներուն տեղի ունեցած բողոքի քայլարշաւները եւ ցոյցերը, որոնք կը դատապարտեն ոտիկանութեան շարունակուող բռնարարքները եւ կը պահանջեն ցեղային եւ ընկերային արդարութիւն, զինք հասցուցած են այն համոզումին, որ Ֆլոյտի սպանութիւնը «ամբողջ աշխարհը պիտի փոխէ»։

Պայտըն առիթը գործածեց դատապարտելու ցուցարարներուն նկատմամբ նախագահ Տոնալտ Թրամփի ցուցաբերած բիրտ հակադարձութիւնը եւ Ֆլոյտը վարկաբեկելու անընդունելի եւ անհիմն փորձերը։

Յիշեցնենք, որ Ֆլոյտի սպանութենէն ետք Թրամփ անոր եղբօր հետ ունեցած էր հեռաձայնային «զրոյց» մը, որուն ընթացքին միայն ինք խօսած էր եւ նոյնիսկ մէկ նախադասութիւն արտասանելու առիթ չէր տուած Ֆլոյտի եղբօր․․․

LEAVE A REPLY

Please enter your comment!
Please enter your name here