Ջիւան Աւետիսեանի՝ «Դրախտի դարպասը» ֆիլմը եւս պիտի ցուցադրուի Գաննի մէջ

0
1231
Հայկական մասնակցութեամբ՝ Հայաստանի Ազգային կինոկենտրոնի աջակցութեամբ ստեղծուած ֆիլմ մը եւս՝ բեմադիր Ջիւան Աւետիսեանի «Դրախտի դարպասը» ժապաւէնը, շարժանկարի Գաննի զօրութենական (virtuel) շուկային (2020 Յունիսին) առաջին անգամ պիտի ներկայացուի գնորդներուն եւ փառատօնը ծրագրաւորողներուն` ֆիլմի Ֆրանսական վաճառքի գործակալ MPM Premium-ի միջոցով:
Քանի մը օր առաջ ալ, Հայաստանի ազգային կինոկենտրոնի մասնակցութեամբ ստեղծուած մէկ այլ ֆիլմ՝ Նորա Մարտիրոսեանի « Si le vent tombe » ֆիլմը ընդգրկուած էր Գաննի միջազգային 73-րդ փառատօնի պաշտօնական ծրագրի «Երկար մեթրաժով առաջին ֆիլմ» անուանակարգին մէջ։
«Դրախտի դարպասը» ֆիլմի հայաստանեան եւ արցախեան անդրանիկ ներկայացումը տեղի ունեցած էր 2019 Հոկտեմբերին:
Ֆիլմին նիւթը.- Գերմանացի լրագրող Ռոպերթ Սթերնուալ (50 տարեկան) 2016-ին կը վերադառնայ Արցախ՝ լուսաբանելու քսաներկու տարուան ընդմիջումէ յետոյ վերսկսած պատերազմը։ Լրագրական հետաքննութեան ընթացքին կը ծանօթանայ օփերայի երիտասարդ երգչուհի Սոֆիա Մարտիի (35 տարեկան) հետ։ Ռոպերթի եւ Սոֆիայի յաճախակի հանդիպումներէն կը ծնի փոխադարձ սէր, սակայն կը պարզուի, որ Սոֆիան անհետացած լուսանկարիչ լրագրող Էդգար Մարտիրոսեանի աղջիկն է, զոր 1992-ին՝ Թալիշի անկման օրը, Ռոպերթ թողած է գիւղը՝ գերեվարութեան մէջ, ապա իւրացուցած է մարտի դաշտին վրայ անոր ըրած լուսանկարները… ■

 

LEAVE A REPLY

Please enter your comment!
Please enter your name here