«Իմ Քայլը»ի Պատգամաւորները ՍԴի Նախագահը Եւ Դատաւորները Փոխարինելու Օրինագիծ Մշակեցին

0
484

ԵՐԵՒԱՆ, «Արմէնփրէս».- Ազգային ժողովի «Իմ Քայլը» խմբակցութեան առաւել քան 50 պատգամաւորներ մշակեցին Սահմանադրական դատարանի նախագահը եւ դատաւորները փոխարինելու օրէնքի նախագիծ մը, որ թէեւ տակաւին ընգրկուած չէ խորհրդարանի նիստերու օրակարգին վրայ, հրապարակուած է Ազգային ժողովի պաշտօնական կայքին վրայ:

Օրինագիծին ընդունման պարագային պիտի դադրեցուին Սահմանադրական դատարանի դատաւորներ Ալվինա Գիւլումեանի, Ֆելիքս Թոխեանի եւ Հրանդ Նազարեանի պաշտօնավարութիւնը, իսկ Սահմանադրական դատարանի ներկայի նախագահ Հրայր Թովմասեան պիտի շարունակէ պաշտօնավարել՝ իբրեւ Սահմանադրական դատարանի անդամ:

Ըստ օրէնքի նախագիծին՝ մինչեւ Սահմանադրութեան 7-րդ գլուխի ուժի մէջ մտնելը, նշանակուած եւ Սահմանադրական դատարանի անդամի կամ դատաւորի պաշտօն վարած ընդհանուր տեւողութեամբ ոչ պակաս քան 12 տարի պաշտօնավարած Սահմանադրական դատարանի անդամի (դատաւորի) լիազօրութիւններու ժամկէտը կը նկատուի աւարտած, եւ պաշտօնավարումը կը դադրի:

Մինչեւ Սահմանադրութեան 7-րդ գլուխին ուժի մէջ մտնելը, նշանակուած Սահմանադրական դատարանի անդամը, որուն պաշտօնավարութիւնը չի դադրիր այս յօդուածին առաջին մասի ուժով՝ կը շարունակէ պաշտօնավարել իբրեւ Սահմանադրական դատարանի դատաւոր մինչեւ այդ պաշտօնին մէջ անոր պաշտօնավարման 12 տարին լրանալը` նկատի ունենալով նաեւ մինչեւ Սահմանադրութեան 7-րդ գլուխին ուժի մէջ մտնելը՝ իբրեւ Սահմանադրական դատարանի անդամ պաշտօնավարած ժամկէտը:

Սահմանադրական դատարանի դատաւորներու թափուր տեղերուն համար առաջադրումները կը կատարեն յաջորդաբար կառավարութիւնը, Հանրապետութեան նախագահը եւ դատաւորներու ընդհանուր ժողովը:

LEAVE A REPLY

Please enter your comment!
Please enter your name here