Հայաստանի Մէջ «Քորոնա» Ժահրով Վարակուածներուն Թիւը 20.588-ի Հասաւ

0
432

ԵՐԵՒԱՆ, «Արմէնփրէս».- 22 յունիսին դրութեամբ՝ Հայաստանի մէջ արձանագրուած են «Քորոնա» ժահրի 320 նոր պարագաներ՝ ընդհանուր թիւը հասցնելով 20.588-ի։ Ապաքինածներուն թիւը 9131 է, ներկայիս բուժուողներունը՝ 10.980, ընդհանուր քննութիւններունը՝ 96.843, իսկ մահերունը՝ 360։

Պարէտատան նիստէն ետք, առցանց ճեպազրոյցին մը ընթացքին, վարչապետ Նիկոլ Փաշինեան յայտնեց, որ Հայաստանի մէջ «Քորոնա» ժահրի համաճարակային իրավիճակը կը շարունակէ մնալ ծանր, թէեւ կայ բաւական կայուն իրավիճակ, սակայն հարցը այն է, որ ոչ մէկ երաշխիք կայ, որ այս կայունութիւնը կը պահպանուի:

Միւս կողմէ, «Քորոնա» համաճարակին դէմ պայքարին մէջ Հայաստանի բժիշկներուն օժանդակելու նպատակով Հայաստան հասան 50 ռուս բժիշկներ։ Նոյն թռիչքով Հայաստան տեղափոխուեցան նաեւ առողջապահութեան նախարարութեան նուիրուած բժշկական սարքեր եւ անձնական պաշտպանիչ իրեր:

LEAVE A REPLY

Please enter your comment!
Please enter your name here