Նախորդ Տարուան Հետ Բաղդատած՝ Այս Տարուան Յունիսին Մահերը Աւելցած են 30 տոկոսով

0
392

ԵՐԵՒԱՆ, «Արմէնփրէս».- Հայաստանի վարչապետ Նիկոլ Փաշինեան ներկայացուց վիճակագրական տուեալներ «Քորոնա» ժահրով վարակուածներուն եւ անոնց առողջական վիճակին մասին։ Ըստ անոր՝ ներկայիս բուժում կը ստանան 10.900 վարակակիրներ, որոնց 2106-ը կը գտնուի հիւանդանոցը:

«Նրանցից 536-ի առողջական վիճակը ծանր է, 117-ինը առանձնապէս ծանր է, 1730 հիւանդի մօտ արձանագրուել է թոքաբորբ։ Երէկ մենք ունեցել ենք մահուան 10 նոր դէպք, իսկ մահերի ընդհանուր թիւը հասել է 453ի», յայտնեց Փաշինեան։

Վարչապետը նշեց, որ 2020-ի առաջին 5 ամիսներուն, Հայաստանի մէջ, ընդհանուր մահերուն վիճակագրութիւնը լաւ էր, սակայն այդ վիճակագրութիւնը արդէն փոխուած է։

«Ցաւօք, պէտք է արձանագրել, որ այս տարուայ Յունիսին՝ նախորդ տարուայ Յունիսի համեմատ ունեցել ենք մօտաւորապէս 30 տոկոսով աւելի շատ մահուան դէպքեր։ Ի հարկէ, մահուան վիճակագրութիւնների փոփոխութիւնը ոչ ամբողջութեամբ է կախուած կորոնավիրուսի հետ, բայց, ի հարկէ, կորոնավիրուսի ընթացիկ վիճակը էականօրէն ազդում է այդ գործօնի վրայ», եզրափակեց Փաշինեան։

LEAVE A REPLY

Please enter your comment!
Please enter your name here