Քարանթինա-Մտաուար-Պէյրութ Շրջանի Կալուածատէրերը Ողջունեցին Հայկական Երեսփոխանական Պլոքին Ներկայացուցած Օրինագիծը

0
301

Քարանթինա-Մտաուար-Պէյրութ շրջանի կալուածներու սեփականատէրերը ողջունեցին Հայկական երեսփոխանական պլոքին կողմէ խորհրդարանին ներկայացուած այն օրինագիծը, որ կը պահանջէր ջնջել վերոնշեալ շրջանի բնակիչներուն տուրքերը` քաղաքապետական թէ ելեւմտական որեւէ տեսակի:

Քարանթինա-Մտաուար-Պէյրութ շրջանի կալուածատէրերը ողջունեցին պլոքին պահանջը, որ այդ կալուածներուն վրայ արձանագրուած օրինազանցութիւնները փարատին, ինչպէս նաեւ անոնց սեփականատէրերը օրինական կալուածագիրերը ստանան:

«Քարանթինա-Մասլախ-Խտըր շրջանի բնակիչները շնորհակալութիւն կը յայտնեն Հայկական երեսփոխանական պլոքի նախագահին եւ անդամներուն` անոնց առաջադրած այս ազգային եւ իրաւացի նախաձեռնութեան համար:

Տուեալ շրջաններու բնակիչները 44 տարիէ ի վեր իրենց շրջանէն եւ կալուածներէն գաղթած են եւ անոնք երեսփոխանական այլ պլոքներու, ինչպէս նաեւ խորհրդարանի նախագահէն մեծապէս կը խնդրեն զօրակցիլ այդ նախաձեռնութեան», կը նշէ անոնց հրապարակած ողջոյնի հաղորդագրութիւնը:

Քարանթինա-Մասլախ-Խտըր շրջանի բնակիչները կոչ ուղղեցին հանրապետութեան նախագահին, վարչապետին եւ յատկապէս գաղթականներու հարցերու նախարարին, որ իրենք եւս` առանց խտրութեան, վերադառնան իրենց շրջաններուն եւ կալուածներուն, ինչպէս է պարագան այլ շրջաններու մէջ:

Քարանթինա-Մասլախ-Խտըր շրջանի բնակիչները կոչ ուղղեց բանակի հրամանատարութեան` գործադրելու իր խոստումները եւ դատարկելու այդ կալուածները, որպէսզի գաղթականները վերադառնան իրենց բնակարանները, որովհետեւ կալուածատէրերուն իրաւունքները օրէնքով եւ արդարութեամբ պաշտպանուած են:

LEAVE A REPLY

Please enter your comment!
Please enter your name here