Պաշտպանութեան Նախարարը Ընդունեց Եւրոպայի Խորհուրդի Երեւանեան Գրասենեակի Ղեկավարը

0
287

ԵՐԵՒԱՆ, «Արմէնփրէս».- Հայաստանի պաշտպանութեան նախարար Դաւիթ Տօնոյեան 8 Յուլիսին ընդունեց Եւրոպայի խորհուրդի (ԵԽ) երեւանեան գրասենեակի ղեկավար Նաթալիա Վութովան՝ Հայաստանի մէջ անոր առաքելութեան աւարտին առիթով։

Հանդիպման ընթացքին ամփոփուեցան ԵԽ երեւանեան գրասենեակին կողմէ իրականացուող «Մարդու իրաւունքները եւ կանայք Հայաստանի զինուած ուժերուն մէջ» ծրագիրի առաջին փուլին իրականացուած միջոցառումներուն արդիւնքները, քննարկուեցան երկրորդ փուլի ծիրին մէջ նախատեսուած միջոցառումները:

Երկուստեք ընդգծուեցաւ ծրագիրին ներդրման կարեւորութիւնը զինուած ուժերուն մէջ մարդու իրաւունքներուն վերաբերեալ իրազեկուածութեան բարձրացման, կրթական կարողութիւններու զարգացման եւ պաշտպանական գերատեսչութեան հիմնական բարեփոխումներուն օժանդակութեան. համագործակցութեան շարունակականութեան ապահովման պարունակին մէջ ընդգծուեցաւ ձեռք բերուած արդիւնքներու պահպանման եւ ընդլայնման անհրաժեշտութիւնը:

Պաշտպանութեան նախարարը շնորհակալութիւն յայտնեց Նաթալիա Վութովային 2016-էն ի վեր հաստատուած արդիւնաւէտ համագործակցութեան համար եւ մաղթեց յաջողութիւն՝ անոր նոր պաշտօնին մէջ:

Ծրագիրը կ՛իրականացուի Եւրոպայի խորհուրդի գործողութիւններու 2019-2022 թուականներու ծրագիրի ծիրին մէջ եւ կը ֆինանսաւորուի Գերմանիոյ, Իրլանտայի, Լիխթենշթէյնի եւ Շուէտի կողմէ։

LEAVE A REPLY

Please enter your comment!
Please enter your name here