Միացեալ Նահանգներու Մէջ Մէկ Օրուան Վարակումներու Նոր Մրցանիշ Հաստատուեցաւ

0
172

ՈՒԱՇԻՆԿԹԸՆ, «Ազատութիւն»․- Աշխարհի տարածքին «Քորոնա» ժահրով վարակուածներուն թիւը 10 յուլիսին հասաւ 12,5 միլիոնի, իսկ մահացածներուն թիւը՝ 560.000-ի։ Բուժուած են առաւել քան 7,25 միլիոն վարակուածներ։

Միացեալ Նահանգներու մէջ վարակումներու շարունակուող աճին պատճառով, 9 յուլիսին սահմանուեցաւ մէկ օրուան ընթացքին վարակուածներու թիւի նոր մրցանիշ մը, երբ արձանագրուեցան վարակման 65.600 պարագաներ: Յիշեցնենք, որ Յունիսի սկիզբը, մէկ օրուան վարակումներու միջին թիւը շուրջ 22.000 էր։

Միայն Թեքսասի մէջ, 9 յուլիսին 11.394 վարակումներ արձանագրուեցան, իսկ Ֆլորիտայի մէջ 10 յուլիսին արձանագրուեցան 11.433 վարակումներ։

9 յուլիսի յետմիջօրէին յայտարարուեցաւ, որ նախորդող 24 ժամերուն ընթացքին Լոս Անճելըս գաւառին տարածքին վարակուած 50 քաղաքացիներ մահացած են եւ արձանագրուած են վարակման 1777 նոր պարագաներ: Ցարդ Լոս Անճելըս գաւառին տարածքին արձանագրուած են 124.738 վարակումներ եւ 3689 մահեր: Ներկայիս, վարակուածներէն 2037-ը հիւանդանոցային խնամք կը ստանայ:

Քալիֆորնիոյ տարածքին վարակուածներուն թիւը անցաւ 303.000-ի սահմանը․ արձանագրուած են 6860 մահեր: Միացեալ Նահանգներու մէջ այդ թիւերը յաջորդաբար՝ 3,24 միլիոն եւ 136.071 են:

Պրազիլի, Հնդկաստանի եւ Ռուսիոյ մէջ կան յաջորդաբար 1,77 միլիոն, 804.861 եւ 713.936 վարակուածներ:

LEAVE A REPLY

Please enter your comment!
Please enter your name here