Անդրադառնալէ Ետք Լիբանանեան Վերջին Զարգացումներուն` Սուրբ Սոֆիայի Դէմ Տրուած Որոշումը Նոր Օսմանականութեան Մէկ Արարն Է Հաստատեց Երեսփոխան Բագրատունի` «Օ.Թի.Վի».-ի Հետ Իր Ունեցած Հարցազրոյցին

0
142

ՀՅԴ Լիբանանի Կեդրոնական կոմիտէի եւ Հայկական երեսփոխանական պլոքի ներկայացուցիչ, երեսփոխան Յակոբ Բագրատունի երէկ հիւրն էր «Օ.Թի.Վի.» կայանի «Ռահ նեպքա սաուա» հաղորդումին: Հարցազրոյցի ընթացքին երեսփոխան Յակոբ Բագրատունի հանգամանօրէն անդրադարձաւ երկիրը յուզող հիմնախնդիրներուն եւ անոնց լոյսին տակ ներքաղաքական իրավիճակին, հիմնաւորեց գործող կառավարութեան նկատմամբ Դաշնակցութեան զօրակցական կեցուածքը` համալիբանանեան շահերէ մեկնած եւ խօսեցաւ ՀՅԴ Լիբանանի կազմակերպութեան քաղաքական համագործակցութեան եւ ինքնուրոյն դիրքորոշումներուն մասին:

Յ. Բագրատունի խօսեցաւ տնտեսական եւ Ֆինանսական տագնապի մէջ յայտնուած լիբանանցի քաղաքացիին առօրեային եւ ստեղծուած նոր իրավիճակին մասին: Բարենորոգումները անհրաժեշտութիւն նկատելով` ան Լիբանանի հողին վրայ ընթացող Արեւելք-Արեւմուտք պայքարին մէջ անհրաժեշտ նկատեց ազգային սկզբունքներու հիման վրայ կողմնորոշումները:

Երեսփոխան Բագրատունի ճիշդ չնկատեց լիբանանեան կողմերուն այս կամ այն օտար պետութեան դաշնակից յայտարարելը, ինչ որ լուրջ հարուած կը հասցնէ Լիբանանի գերիշխանութեան:

Հարցազրոյցին առիթ եղաւ անդրադառնալու Սուրբ Սոֆիայի տաճարը վերստին մզկիթի վերածելու երեւոյթին: Յ. Բագրատունի արարքը նկատեց նոր օսմանականութեան հաստատման մէկ փուլը եւ ժխտողականութեան հերթական դրսեւորումը:

Հարցազրոյցի բովանդակութեան աւելի մանրամասն կ՛անդրադառնանք մեր վաղուան թիւով:

LEAVE A REPLY

Please enter your comment!
Please enter your name here