«Մենք Պատրաստ Ենք Առնուազն Համարժէք Պատասխանել Մեր Սահմանի Վրայ Յարձակուած Թշնամուն». Արմէն Սարգսեան

0
213

ԵՐԵՒԱՆ, «Արմէնփրէս».- Հայաստանի Հանրապետութեան նախագահ Արմէն Սարգսեանի հրամանագիրով Հայաստանի պետական սահմանի Տաւուշի հատուածի պաշտպանութեան ընթացքին զոհուած հազարապետ Գարուշ Համբարձումեան յետ մահու պարգեւատրուեցաւ «Հայրենիքին մատուցած ծառայութիւններու համար» երկրորդ աստիճանի մետալով, հարիւրապետ Սօս Էլբակեան` Արիութեան մետալով, տասնապետներ Սմբատ Գաբրիէլեան եւ Գրիշա Մաթեւոսեան` Մարտական ծառայութեան մետալով:

Նախագահական նստավայրին մէջ տեղի ունեցած արարողութեան ընթացքին նախագահ Սարգսեան խոր ցաւակցութիւն յայտնեց պետական սահմանը պաշտպանելու ատեն զոհուած հերոսներուն ընտանիքներուն ու հարազատներուն, նաեւ շուտափոյթ ապաքինում մաղթած վիրաւորներուն, իսկ սահմանին կանգնած մեր զինուորներուն եւ սահմանամերձ բնակավայրերու մեր հայրենակիցներուն` հաստատակամութիւն ու տոկունութիւն:

Նախագահ Սարգսեան հրամանատարի կոչումներ շնորհեց խաղաղապահ ուժերու ջոկատի հրամանատար, գնդապետ Արտակ Տօնոյեանին, գնդապետ Ժիրայր Պօղոսեանին եւ գնդապետ Անդրանիկ Փիլոյեանին:

Անոնց ուղղած իր խօսքին մէջ նախագահը յայտնած է, որ անոնք իրենց կոչումը կը ստանան այնպիսի փուլի, երբ հայրենիքը բարդ օրեր կ՛ապրի, Ատրպէյճան ռազմական գործողութիւններու սկսած է Հայաստանի պետական սահմանին վրայ՝ դիտել տալով, որ անոնք ռազմական յարձակողական բացայայտ փորձեր են, որոնք դատապարտուած են անփառունակ վախճանի:

Նախագահ Արմէն Սարգսեան շեշտեց, որ այդ բռնարարքները թշնամանքի եւ ատելութեան հերթական դրսեւորում են Ատրպէյճանի կողմէ։ «Ադրբեջանի քայլերը որեւէ մարդկային տարր չունեն իրենց մէջ: Այսօր ամբողջ աշխարհը մեծ ճակատամարտի մէջ է եւ պայքարում է կորոնավիրուսի համավարակի դէմ: Այն աշխարհին ստիպում է դառնալ աւելի մարդկային եւ կեանքեր փրկել: Որքան անպատասխանատու, անմարդկային պէտք է լինես, որ ե՛ւ քո սեփական երկրի, ե՛ւ Հայաստանի համար այս դժուարին օրերին նախայարձակ լինես եւ սահմանի վրայ մեծ լարում ստեղծե՛ս, որին զոհ են գնում մարդիկ: Անշուշտ, իրավիճակը գտնւում է մեր զինուած ուժերի լիարժէք վերահսկողութեան ներքոյ: Չնայած մենք նախայարձակ չենք, սակայն մեր զինուժը շարունակում է մնալ իրավիճակ եւ պայմաններ թելադրողի դերում»:

Նախագահ Սարգսեան շեշտեց, որ մեր բանակը խաղաղութեան բանակ է, մեր զինուորը խաղաղարար է ու խաղաղապահ: Բայց անոնք որեւէ պահու պատրաստ են եւ կրնան յաղթել թէ՛ մարտի, թէ՛ պատերազմի ընթացքին: «Եթէ Ադրբեջանը նախընտրում է ուժի լեզուն,ապա, մեր ողջ խաղաղասիրութեամբ հանդերձ, մենք պատրաստ ենք առնուազն համարժէք պատասխանել մեր սահմանի, մեր քաղաքացու, մեր ընտանիքի, մեր օճախի վրայ յարձակուած թշնամուն», յայտնեց Արմէն Սարգսեան՝ դիտել տալով, որ Հայաստանի համար թանկ է իւրաքանչիւր քաղաքացիի ու զինուորի կեանք, իւրաքանչիւր թիզ մը հող։

«Մենք պատրաստ ենք եւ ի զօրու ենք պաշտպանել մեզ, մեր տարածքները։ Մենք շարունակելու ենք յաղթել, որովհետեւ ունենք խիզախ զինուոր, խիզախ սպայ, խիզախ գեներալ եւ յաղթական բանակ: Բանակ, որը մեր միասնութեան, հպարտութեան եւ ազգային արժանապատուութեան ամուր սիւնն է», ըսաւ նախագահը:

Արմէն Սարգսեան կարեւոր նկատեց նաեւ միասնական ուժը եւ կոչ ուղղեց Հայաստանի, Արցախի եւ Սփիւռքի բոլոր հայրենակիցներուն՝ թիկունք կանգնիլ սահմանին վրայ կանգնած զինուորներուն, սպաներուն, հրամանատարներուն, որպէսզի անոնք զգան մեր ազգային միասնականութեան, համախմբուածութեան, մեր ազգային ոգիին ուժը։

«Ես խնդրում եմ այս դժուարին պահերին լինել հանդուրժող եւ զուսպ: Պէտք է ձեռնպահ մնալ միմեանց թիրախաւորելուց, քաղաքական հակառակորդներ կամ անձնական թշնամիներ փնտռելուց, միմեանց վիրաւորելուց: Պէտք է յիշենք, որ յանուն հայրենիքի անվտանգութեան` վաղը կարող ենք լինել նոյն խրամատի մէջ, կողք- կողքի», դիտել տուաւ նախագահը՝ յիշելով, որ պատմութեան դժուար պահերուն միշտ ալ տարակարծութիւնները մէկ կողմ ձգելով՝ եկած ենք կողք կողքի։ Ան այս առիթով շնորհակալութիւն յայտնեց Հայաստանի քաղաքական ուժերուն, Ազգային ժողովին մէջ եւ անկէ դուրս եղող իշխանամէտ եւ ընդդիմադիր ուժերուն, որոնք յայտարարեցին, որ այս պահուն պէտք է մէկդի դնել մեր տարակարծութիւնները եւ միաւորուիլ, որովհետեւ մեր դրան սեմին դարձեալ վտանգ կայ եւ թշնամի:

LEAVE A REPLY

Please enter your comment!
Please enter your name here