Ռուսիոյ Ապահովական Խորհուրդը Քննարկեց Հայ-Ատրպէյճանական Սահմանի Իրավիճակը Եւ Միջնորդութեան Հարցը

0
223

ԵՐԵՒԱՆ, «Արմէնփրէս».- Ռուսիոյ նախագահ Վլատիմիր Փութին եւ Ռուսիոյ Ապահովութեան խորհուրդի մնայուն անդամները քննարկեցին Հայաստանի եւ Ատրպէյճանի սահմանին վրայ տիրող իրավիճակը՝ ընդգծելով միջնորդական ջանքեր գործադրելու Մոսկուայի պատրաստակամութիւնը։

«ՌԻԱ Նովոսթի»ն կը հաղորդէ, որ առցանց խորհրդակցութեան արդիւնքներուն մասին յայտարարեց Ռուսիոյ նախագահի բանբեր Տմիթրի Փեսքով։

«Տեղի ունեցաւ հայ-ատրպէյճանական սահմանին վրայ տիրող իրավիճակին վերաբերեալ կարծիքներու մանրամասն փոխանակում», ըսաւ Փեսքով՝ աւելցնելով. «Ծայրայեղ մտահոգութիւն յայտնուեցաւ շարունակուող լարուածութեան նկատմամբ, ընդգծուեցաւ հակամարտող կողմերուն կողմէ զինադադարի դրութեան պահպանման անհրաժեշտութիւնը, ինչպէս նաեւ՝ միջնորդական ջանքեր գործադրելու պատրաստակամութիւնը»:

LEAVE A REPLY

Please enter your comment!
Please enter your name here