Լաւրով Եւ Չաւուշօղլու Քննարկեցին Հայ-Ատրպէյճանական Սահմանի Յարձակումներուն Վերաբերող Հարցեր

0
203

ԵՐԵՒԱՆ, «Արմէնփրէս».- Ռուսիոյ եւ Թուրքիոյ արտաքին գործոց նախարարներ Սերկէյ Լաւրով եւ Մեւլութ Չաւուշօղլու հեռաձայնային զրոյցի մը ընթացքին քննարկեցին Հայաստանի եւ Ատրպէյճանի սահմանին տեղի ունեցած յարձակումներուն վերաբերող հարցեր։ Այս մասին հաղորդեցին Ռուսիոյ արտաքին գործոց նախարարութեան մամլոյ ծառայութենէն։

Ըստ լրատուութեան՝ ռուսական կողմը անհրաժեշտ նկատած է գործադրել հաւասարակշռուած մօտեցումներ եւ զսպող ազդեցութիւն ունենալ հակամարտութեան մէջ ներգռաւուած կողմերուն վրայ՝ իրավիճակի հետագայ սրումը կանխելու, հայ-ատրպէյճանական սահմանին անվտանգութեան ապահովման եւ ղարաբաղեան տագնապի լուծման վերաբերող ջանքերու աշխուժացման համար։

Համաձայնութիւն ձեռք բերուած է զարգացնելու համագործակցութիւնը Մոսկուայի եւ Անգարայի միջեւ՝ տարածաշրջանի կայունացման շահերէն մեկնելով։

LEAVE A REPLY

Please enter your comment!
Please enter your name here