Շնորհաւորական Նամակ

0
415

Քուէյթ,  25 Յուլիս  2020

Գերշ. Տ. Շահէ Եպս. Փանոսեան

Առաջնորդ Լիբանանի Հայոց Թեմի

Պէյրութ,Լիբանան

Սբրազան Հայր,

Ուրախութեամբ իմացանք մամուլէն, թէ Ազգային Երեսփոխանական ժողովը ընտրած է ձեզ Լիբանանի Հայոց Թեմի առաջնորդ։

Քաջածանօթ ըլլալով ձեր երկար տարիներու ծառայութեան, որպէս հոգեւոր առաջնորդ, գործակցելով ձեզի հետ Քուէյթի եւ Արաբական Ծոցի տարածաշրջանին ձեր առաջնորդութեան օրերուն, Լիբանանի մեջ, եւ այսօր դարձեալ նոյնը՝ կը տեսնենք ձեր մէջ նուիրեալ եւ նախանձախնդիր հայ կղերականը։ Եթէ ձեր նուիրումը Քրիստոսի եւ եկեղեցիին է, բայց նոյնքան հայկական իրականութեան՝ իր ազգային եւ քրիստոնէական ինքնութիւններու պահպանման մէջ։ Ձեր բծախնդրութիւնը եւ անսակարկ նուիրումը քրիստոնէական եւ ազգային առաքելութիւններուն մէջ ակներեւ է։

Ներկայ համաշխարհային այս տագնապալի օրերուն մէջ, եւ ի մասնաւորի լիբանանեան մեր հայրենիքին եւ գաղութին տնտեսական, ընկերային եւ քաղաքական դժուառ իրականութիւններու մէջ, ձեր ընտրութիւնը պիտի գայ եթէ մէկ կողմէ մեծ պատասխանատուութեամբ, բայց նոյնքան ուժ, կորով եւ նոր շունչ բերելու հայկական գաղութին։

Արաբական Ծոցի Ասոուածաշունչի Ընկերութեան Խնամակալ Մարմնի, պաշտօնէութեան անունով եւ անձնապէս կը շնորհաւորենք ձեզ Սրբազան Հայր։ Կը մաղթենք առողջութիւն եւ կը հայցենք մեր Երկնաւոր Հօր առաջնորդութեան մինչ կը շարուակէք ձեր եկեղեցանուէր եւ ազգանուէր առաքելութիւնը։

Յարգանքով՝

Դոկտ. Հրայր Ճէպէճեան

Ընդհանուր Քարտուղար

Արաբական Ծոցի Աստուածաշունչի Ընկերութիւն

LEAVE A REPLY

Please enter your comment!
Please enter your name here