Ֆիրուզնիա. «Թեհրան Իրաւական Բոլոր Քայլերուն Պիտի Դիմէ` Դատապարտելու Համար Իրանեան Ճամբորդատար Օդանաւին Դէմ Ամերիկեան Կործանիչներուն Յարձակումը»

0
321

Լիբանանի մէջ Իրանի դեսպան Մոհամետ Ժալալ Ֆիրուզնիա շաբաթ երեկոյեան այցելեց Պէյրութի «Ռասուլ Աազամ» հիւանդանոցը, ուր փոխադրուած էին իսրայէլեան ուժերուն կողմէ բռնարարքի ենթարկուած օդանաւի վիրաւոր ճամբորդները:

«Թեհրան իրաւական բոլոր քայլերուն պիտի դիմէ` դատապարտելու համար իրանեան ճամբորդատար օդանաւին դէմ ամերիկեան կործանիչներուն յարձակումը», հաստատեց ան` ընդգծելով ապագային նման դէպքեր կամ քայլեր արգիլելու անհրաժեշտութիւնը:

Ֆիրուզնիա այցելեց վիրաւոր Ահմետ Սաֆիէտտինի, որուն մօտ ան հաստատեց, որ Միացեալ Նահանգներ պիտի կրեն իրենց առած այդ երկչոտ քայլին պատասխանատուութիւնը:

Նշենք, որ լիբանանեան ազգային քաղաքական ուժերն ու անձնաւորութիւնները իրենց կարգին հրապարակեցին հաղորդագրութիւն մը, որ կը նշէ, թէ իրանեան ճամբորդատար օդանաւին դէմ գործուած յարձակումը խստիւ դատապարտելի է:

«Իսրայէլեան ուժերուն կողմէ օգտագործուած ամերիկեան կործանիչներով` իրանեան «Մահան» ճամբորդատար օդանաւին թռիչքը խանգարելու փորձը վտանգի ցուցանիշ է եւ ամերիկեան վարչակազմը պատասխանատու է անոր: Իսկ ՄԱԿ-ի Ապահովութեան խորհուրդէն կը պահանջուի դատապարտել այդ բռնարարքը», նշուեցաւ հաղորդագրութեան մէջ:

Հաղորդագրութիւնը կը նշէ նաեւ, որ սուրիական հողերուն վրայ Միացեալ Նահանգներու ներկայութիւնը Սուրիոյ գերիշխանութեան դէմ գործուած ոտնձգութիւն է:

LEAVE A REPLY

Please enter your comment!
Please enter your name here