Հաղորդագրութիւն Թիւ 23

0
301

«Քորոնա» ժահրի վարակումը ստացած է վտանգաւոր բնոյթ:

Առ այդ, «Քորոնա»-ի ճգնաժամային շտապը` գումարելով իր հերթական նիստը, անհրաժետ նկատեց կատարել հետեւեալ փոխանցումները.-

ա) Անհրաժեշտ է ծայրայեղ զգուշութիւն ցուցաբերել ներկայ փուլին: Անհատական թէ հաւաքական գիտակցութիւնը խիստ անհրաժեշտ է: Կարելի չէ թեթեւութեամբ մօտենալ համաճարակի վտանգին:

բ) Անհրաժեշտ է բծախնդիր կերպով հետեւիլ կանխազգուշական միջոցներուն: Անխուսափելի է դիմակի գործածութիւնը, պէտք է պահպանել ընկերային հեռաւորութիւնը եւ գործածել հականեխման դեղեր:

գ) Ճգնաժամային շտապի թեժ գիծը (03-188911) կը շարունակէ գործել եւ օգտակար ըլլալ անհրաժեշտութեան պարագային:

դ) Անցնող շաբթուան ընթացքին, երեք առիթներով շտապի նախաձեռնութեամբ տեղի ունեցաւ «Փի.Սի.Ար.»-ի 200 քննութիւն, որմէ ի յայտ եկաւ վարակումի 2 պարագայ:

ե) Նախապէս, թէ այս քննութենէն ի յայտ եկած պարագաները արդէն իսկ կը գտնուին մեկուսացման պայմաններու մէջ, եւ շտապը անհրաժեշտ ամէնօրեայ հոգածութիւնը կը ցուցաբերէ անոնց:

զ) Անհրաժեշտ է հեռու մնալ անտեղի արտայայտութիւններէ, բամբասանքէ եւ չարախօսութիւններէ լրջութեամբ մօտենալ համաճարակին հետ կապուած խնդիրներուն:

է) Կոչ կ՛ուղղենք` հեռու մնալու հաւաքական հանդիպումներէ եւ ծայրայեղ լրջութեամբ վերաբերելու պետութեան կողմէ ճշդուած ցուցմունքներուն հետ:

«ՔՈՐՈՆԱ»-Ի ՃԳՆԱԺԱՄԱՅԻՆ ՇՏԱՊ

LEAVE A REPLY

Please enter your comment!
Please enter your name here