«Հերոսութիւն Չէ Արհամարհել Այս Համաճարակը. Ձեզի Եւ Ձեր Շրջապատին Համար Զգո՛ւշ Եղէք». Յակոբ Բագրատունիի Կոչը` Լիբանանահայութեան

0
150

ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի յատուկ եւ սրտագին խնդրանքով դիմեց լիբանանահայութեան` դիտել տալով, որ «Քորոնա»-ի համաճարակը վտանգաւոր բնոյթ ստացած է Լիբանանի մէջ, եւ օրէ օր կը բազմանան վարակուողներուն թիւերը:

«Հետեւաբար, իմ բոլոր քոյրերէս ու եղբայրներէս, մեր ժողովուրդի բոլոր զաւակներէն խնդրելով կը խնդրենք, խնդրելով կը պահանջենք, որ զգուշ ըլլան: Մի՛ արհամարհէք այս համաճարակը, այս ժահրով վարակուիլը ամօթ չէ, այս համաճարակը բոլորիս համար է, հետեւաբար` բոլորս բոլորիս համար պէտք է զգուշ ըլլանք:

«Կը խնդրենք ձեզմէ` յարգեցէ՛ք համաճարակը կանխարգիլող բոլոր միջոցառումները, ձեր դիմակները մի՛շտ ունեցէք ձեզի հետ, պահեցէ՛ք ընկերային հեռաւորութիւնը, միշտ փորձեցէ՛ք հականեխել ձեր ձեռքերն ու շրջապատը:

«Սիրելինե՛ր, այս օրերուն հերոսութիւն չէ արհամարհել այս համաճարակը: Դուք ձեզի համար եւ ձեր շրջապատին համար զգո՛ւշ եղէք, եւ բոլորս միասնաբար կը յաղթենք «Քորոնա» համաճարակին ալ», շեշտեց Յակոբ Բագրատունի:

LEAVE A REPLY

Please enter your comment!
Please enter your name here