Մի՛ Մոռնաք, «Քորոնա»-ի Համաճարակը Կը Շարունակուի

0
195

Պէյրութի նաւահանգիստի պայթումէն ետք անոր ստեղծած արհաւիրքը պէտք չէ մոռացութեան տայ, որ «Քորոնա»-ի համաճարակը կը շարունակԷ մնալ ծանր վտանգ:

Առ այդ, կոչ կ՛ուղղենք մեր ժողովուրդին, որ հակառակ տիրող կացութեան ահաւոր հետեւանքներուն, շարունակէ կանխազգուշացման միջոցները եւ զգուշ ըլլայ համաճարակի վարակումէն:

Անցնող 10 օրերուն ընթացքին, «Քորոնա»-ի ճգնաժամային շտապին նախաձեռնութեամբ ու ծախսերով, Պուրճ Համուտի մէջ կատարուեցաւ «Փի. Սի. Ար.»-ի 420 քննութիւն, որոնցմէ ի յայտ եկաւ 22 վարակում:

Վարակուած պարագաները Շտապին ջանքերով ստացան համապատասխան բուժում հիւանդանոցներու կամ մեկուսացման վայրերու մէջ, եւ հականեխուեցաւ անոնց շրջապատը:

«ՔՈՐՈՆԱ»-Ի ՃԳՆԱԺԱՄԱՅԻՆ ՇՏԱՊ

LEAVE A REPLY

Please enter your comment!
Please enter your name here