Հեռաձայնային խորհրդակցութիւն ն.Ս.Օ.Տ.Տ. Արամ Ա. վեհափառ հայրապետի եւ Հայաստանի Հանրապետութեան վսեմաշուք Վարչապետ՝ Նիկոլ Փաշինեանի միջեւ

0
110

Այս առաւօտ, Ն.Ս.Օ.Տ.Տ. Արամ Ա. Կաթողիկոսի եւ Հայաստանի Հանրապետութեան վսեմաշուք վարչապետ Նիկոլ Փաշինեանի միջեւ տեղի ունեցաւ հեռաձայնային խորհրդակցութիւն մը: Վարչապետը մօտէն հետաքրքրուեցաւ ընդհանրապէս պայթումէն յետոյ Լիբանանի պարզած ներկայ կացութեան ու յատկապէս Լիբանանի հայութեան դիմագրաւած դժուարութիւններուն գծով: Ան նաեւ անդրադարձաւ Հայաստանի Հանրապետութեան կողմէ կատարուելիք օժանդակութեան թէ՛ Լիբանանի պետութեան եւ թէ՛ հայ համայնքին:

Վեհափառ Հայրապետը վարչապետին փոխանցեց ընդհանուր տեղեկութիւններ Լիբանանի հայ համայնքին կրած վնասներուն շուրջ: Նորին Սրբութիւնը իր գնահատանքը յայտնեց Հայաստանին ցուցաբերած գործնական զօրակցութեան նկատմամբ: Վարչապետը յայտնեց թէ Վեհափառ Հայրապետին հետ անհրաժեշտ է որ խորհրդակցութիւնները շարունակուին, որպէսզի Հայաստանի կողմէ կատարուելիք օժանդակութիւնը ըլլայ օգտաշատ:

LEAVE A REPLY

Please enter your comment!
Please enter your name here