Լիբանանէն Հայաստան Տեղափոխուեցան Հայաստանի Հպատակութիւն Ունեցող Քաղաքացիներ

0
70

ԵՐԵՒԱՆ,«Արմէնփրէս».- Այսօր, Հայաստանի փոխվարչապետ Տիգրան Աւինեան «Ֆէյսպուք»ի գրառումով մը կատերելով՝ տեղեկացուց, որ Պէյրութի նաւահանգիստին մէջ պատահած պայթումէն ետք, դէպի Լիբանան մարդասիրական օժանդակութիւն փոխադրող երկու օդանաւերով Լիբանանէն Հայաստան տեղափոխուեցան 55 անձեր: Ըստ փոխվարչապետին՝ նոյն նպատակով դէպի Լիբանան մեկնած երրորդ օդանաւով՝ կը սպասուի Հայաստան տեղափոխել 45 ուրիշներ:

«Առաջին երկու թռիչքների միջոցով հայրենիք են տեղափոխուել մեր 56 հայրենակիցներ, իսկ այսօր գիշերը Լիբանանից վերադարձող ինքնաթիռով եւս 45 հոգի կը ժամանի Երևան: Հայաստան են տեղափոխուել մեր այն հայրենակիցները, որոնք Բէյրութում պայթիւնի արդիւնքում անօթեւան ու առանց ապրուստի միջոցների են մնացել, ՀՀ քաղաքացի են կամ ՀՀ քաղաքացու ընտանիքի անդամ, Հայաստանում կեցավայր ունեն», գրած է փոխվարչապետը:

Ավինեան կ՛աւելցնէ, որ հայ ժողովուրդը եղբայրական լիբանանի կողքին է եւ թէ Լիբանանի օժանդակութեան գործը պիտի շարունակուի: Ան կը նշէ նաեւ, որ Հայաստանէն եւ Արցախէն ցարդ տարուած է առաւել քան 36 թոն առաջին անհրաժեշտութեան պիտոյքներ, սննդամթերք եւ դեղորաք բովանդակող օժանդակութիւն:

LEAVE A REPLY

Please enter your comment!
Please enter your name here