ԿՈՉ

0
53

Լիբանանահայութեան վերականգնումի մարմինի

 Այսու կը ծանուցենք, որ Լիբանանահայութեան Վերականգնումի Մարմինը, օժանդակ յանձնախումբի մը աջակցութեամբ արդէն իսկ ձեռնարկած է մեր հայրենակիցներու  բնակարաններէն ու հաստատութիւններէն ներս գոյացած վնասները ստուգելու աշխատանքին։

Այս առթիւ, Մարմինը կը դիմէ վերջի պայթումին պատճառով վնասներու ենթարկուած այն հայրենակիցներուն, որոնք կարիքը ունին Վերականգնումի Մարմինի աջակցութեան, որպէսզի Ուրբաթ 21, Շաբաթ 22 եւ Երկուշաբթի 24 Օգոստոս 2020-ին, առաւօտեան ժամը 9։00-էն մինչեւ կէսօրէ ետք ժամը 4։00, ներկայանան իրենց բնակած շրջանի եկեղեցիներու գրասենեակները՝ արձանագրելու իրենց կրած վնասները:

Մարմինի աջակցութեան դիմողներէն կը խնդրուի, որ իրենց հետ ունենան կալուածաթուղթի կամ վարձակալական համաձայնագիրի լուսապատճէնը, անձնաթուղթի լուսապատճէնը եւ վնասուած բաժիններու լուսանկարները (նախընտրաբար տպուած տարբերակով)։

Ճշդուած եկեղեցիներն են՝

  1. Սուրբ Գրիգոր Լուսաւորիչ- Սուրբ Եղիա Աթոռանիստ Եկեղեցի, Պէյրութ
  2. Սուրբ Նշան Մայր Եկեղեցի, Պէյրութ
  3. Սուրբ Յակոբ Եկեղեցի, Էշրէ‎‎ֆիէ
  4. Սուրբ Կուսին Աւետման Եկեղեցի, Էշրէֆիէ
  5. Սուրբ Յովհանու Կարապետ Եկեղեցի, Հայաշէն
  6. Սուրբ Յարութիւն Եկեղեցի, Ռմէյլ
  7. Հայ Աւետարանական Եկեղեցի, Ռմէյլ
  8. Սուրբ Գէորգ Եկեղեցի, Հաճըն
  9. Հայ Աւետարանական Եկեղեցի, Նոր Մարաշ
  10. Սուրբ Փրկիչ Եկեղեցի, Պուրճ Համուտ
  11. Սրբոց Քառասնից Մանկանց Եկեղեցի, Նոր Մարաշ
  12. Սրբոց Վարդանանց Եկեղեցի, Նորաշէն
  13. Սուրբ Սարգիս Եկեղեցի, Սիս
  14. Սուրբ Աստուածածին Եկեղեցի, Ատանա

ԼԻԲԱՆԱՆԱՀԱՅՈՒԹԵԱՆ ՎԵՐԱԿԱՆԳՆՈՒՄԻ ՄԱՐՄԻՆ
19 Օգոստոս 2020

LEAVE A REPLY

Please enter your comment!
Please enter your name here