Մոլորած Զինուորին Նկատմամբ Ատրպէյճանի Մէջ Առաջադրուած Մեղադրանքները Անհեթեթութիւն Են

0
46

ԵՐԵՒԱՆ, «Սիվիլնեթ».- Հայաստանի պաշտպանութեան նախարարի խօսնակ Շուշան Ստեփանեան յայտարարեց, որ ատրպէյճանական կողմը յայտնուած զինուորական ծառայող Գուրգէն Ալավերդեանի նկատմամբ Ատրպէյճանի առաջադրած բոլոր մեղադրանքները անհեթեթութիւն են:

«Ադրբեջանի գլխաւոր դատախազութիւնը եւ ՊԱԾը համատեղ յայտարարութիւն են տարածել` նշելով, որ մոլորուած զինծառայող Գուրգէն Ալաւերդեանի նկատմամբ յարուցուել է քրէական գործ 5 տարբեր յօդուածով: Առաջադրուած բոլոր մեղադրանքներն անհեթեթութիւն են, իսկ ծաւալուած գործընթացը` անորակ աւանդական բեմադրութիւն», «Ֆէյսպուք»ի իր էջին մէջ գրած է Ստեփանեան։

Ան կը տեղեկացնէ, որ պաշտպանութեան նախարարութիւնը մնայուն կապի մէջ է միջազգային կառոյցներու հետ եւ կը շարունակէ հետեւողական աշխատանք տանիլ ստեղծուած իրավիճակին գծով:

Հայաստանի պաշտպանութեան նախարարութիւնը կը հերքէ Ատրպէյճանի մէջ յայտնուած հայ սպային՝ ներթափանցման փորձ կատարելը։ Ըստ հայկական կողմին` մարտական յենակէտը ստուգելու նպատակով Ալավերդեան եղանակային խիստ անբարենպաստ պայմաններուն պատճառով շփոթած ու մոլորած է:

LEAVE A REPLY

Please enter your comment!
Please enter your name here