«Քեզի Համար Լիբանան». «Հայաստան» Համահայկական Հիմնադրամը Կը Կազմակերպէ Դրամահաւաք Համերգ

0
38

«Հայաստան» համահայկական հիմնադրամը` հետեւելով Հայաստանի վարչապետ Նիկոլ Փաշինեանի կոչին, տակաւին 6 օգոստոսին նախաձեռնած է «Անյետաձգելի օգնութիւն լիբանանահայերին» խորագիրով դրամահաւաք-արշաւ, որուն ամբողջ հասոյթը կը տրամադրուի Պէյրութի նաւահանգիստի պայթումէն տուժած Լիբանանի հայ կրթական հաստատութիւններուն: Այժմ, hիմնադրամը, Հայաստանի հանրային պատկերասփիւռի կայանին հետ համագործակցութեամբ, կը կազմակերպէ «Քեզի համար Լիբանան» խորագիրով համերգ` 29 օգոստոսին, ժամը 22:30-ին: Անիկա ուղիղ սփռումով պիտի տեղադրուի նաեւ hիմնադրամի էջին վրայ www.facebook.com/HayastanAllArmenianFund/:

Համերգին, ընթացքին կատարումներով հանդէս պիտի գան յայտնի երգիչներ, պիտի սփռուին յատուկ տեսագրութիւններ Պէյրութէն, կոչով հանդէս պիտի գան Հայաստանի նախագահն ու Հիմնադրամի հոգաբարձուներու խորհուրդի նախագահ Արմէն Սարգսեանը, ինչպէս նաեւ կարգ մը յայտնի արուեստագէտներ:

Այս կարեւոր ձեռնարկին կրնաք միանալ www.himnadram.org կայքի առցանց նուիրատուութիւններու հարթակով կամ փոխանցումներ կատարելով Հայաստանի կեդրոնական դրամատան մէջ յատուկ այս նպատակով բացուած հաշիւին:

LEAVE A REPLY

Please enter your comment!
Please enter your name here