Հայաստանի Մէջ Հաստատուեցան «Քորոնա» Ժահրի Վարակման 196 Նոր Պարագաներ

0
40

ԵՐԵՒԱՆ, «Արմէնփրէս».- 3 Սեպտեմբերի դրութեամբ Հայաստանի մէջ հաստատուեցան «Քորոնա» ժահրի վարակման ընդհանուր 44.271 պարագաներ, որոնցմէ 38.855ը ապաքինած է:

Այս մասին կը նշուի Հայաստանի առողջապահութեան նախարարութեան հիւանդութիւններու վերահսկողութեան եւ կանխարգիլման ազգային կեդրոնի կայքին վրայ:

Ներկայ դրութեամբ փաստացի բուժում կը ստանան 4258 վարակակիրներ: Վերջին 24 ժամերուն կատարուած են 1892 քննութիւններ, իսկ ընդհանուր առմամբ՝ 21.128: Այսպիսով՝ կան »Քորոնա« հիւանդութեամբ հաստատուած 196 նոր պարագաներ եւ 224 ապաքինածներ:

Ընդհանուր առմամբ «Քորոնա» ժահրին պատճառով արձանագրուած են մահուան 887 (աւելցած է 3ով) պարագաներ:

LEAVE A REPLY

Please enter your comment!
Please enter your name here