Հայաստանի Մէջ Արտակարգ Դրութիւնը Պիտի Չերկարաձգուի

0
68

ԵՐԵՒԱՆ, «Արմէնփրէս».- Ազգային ժողովը երկրորդ ընթերցումով եւ ամբողջութեամբ ընդունեց կառավարութեան ներկայացուցած օրէնսդրական ծրարը, որմով արտակարգ դրութիւնը այլեւս պիտի չերկարաձգուի եւ գործադիրին մեկուսացում սահմանելու կարելիութիւն պիտի տրուի: Նախագիծը ընդունուեցաւ 70 թեր եւ 19 դէմ ձայներով:

Քուէարկութենէն առաջ, «Լուսաւոր Հայաստան» եւ «Բարգաւաճ Հայաստան» խմբացկութիւնները յայտնեցին, որ իրենք դէմ պիտի քուէարկեն օրինագիծերու ծրարին:

Ըստ կառավարութեան ներկայացուցած նախագիծին` վարակիչ հիւանդութիւններու Հայաստանի Հանրապետութեան տարածք ներբեռնման, ներթափանցման, անոնց ծագման եւ տարածման վտանգի, բռնկումներու, համաճարակի յառաջացման, ինչպէս նաեւ անոնց իբրեւ արդիւնք արտակարգ իրավիճակ յառաջանալու պարագաներուն կրնայ սահմանուիլ մեկուսացում: Մեկուսացում կարելի է սահմանել առողջապահութեան բնագաւառին մէջ պետական կառավարման լիազօր մարմինին առաջարկով, մարզպետի մը կամ Երեւանի քաղաքապետին կողմէ եւ կառավարութեան կողմէ տարբեր տարածքներու մէջ. համաճարակի գօտի մուտքի եւ ելքի յատուկ դրութեան սահմանում, պետական սահմանով հաղորդակցութեան ժամանակաւոր դադրեցում կամ սահմանափակում, անձերու ազատ տեղաշարժի իրաւունքի կամ երթեւեկի միջոցի տեղաշարժի սահմանափակումներ, ինքնամեկուսացում-մեկուսացում:

Երբ մեկուսացում սահմանուի կառավարութեան կողմէ, կարելի պիտի ըլլայ նաեւ աւելի խիստ միջոցառումներու եւ սահմանափակումներու դիմել։

LEAVE A REPLY

Please enter your comment!
Please enter your name here