ՈՉ  ԵՒՍ  Է ԼԻԲԱՆԱՆԵԱՆ  ՖՈՒԹՊՈԼԻ  ՀՍԿԱՆԵՐԷՆ  ԼԵՒՈՆ ԱԼԹՈՒՆԵԱՆԸ

0
116

Այսօր իր աչքերը վերջին անգամ ըլլալով փակեց, ՀՄԸՄի և Լիբանանի ֆութպոլի պատմական խմբապետ եղբայր Լեւոն Արամ Ալթունեան։ Եղբ. Լեւոն որ ծնած էր 15 Սեպտեմբեր 1936ին, կանուխ հասակէն, սկսած էր ֆութպոլ խաղալ, եւ 16 տարեկանին, առաջին անգամ ըլլալով, նկատի առնուած էր ՀՄԸՄի ներկայացուցչական կազմէն, իր աւագ եղբօր, Մանուէլի գայլերով։

Առաջին մրցումին, Ռասինկի դէմ, 1 կոլով ետ մնալէ ետք, Լեւոն որ պահեստի մարզիկ էր, դաշտ ներկայացաւ եւ առաջին վայրկեանէն իսկ, ճիգ չի խնայեց եւ 2 կոլեր նշանակեց, մինչ 3րդ կոլն ալ նշանակեց իր եղբայրը, Մանուէլ։ Այս մրցումէն ետք, արդէն Եղբ. Լեւոն մուտք գործած էր, Լիբանանեան ֆութպոլի պատմութեան լայն դռներէն, եւ դարձաւ պատմութեան լաւագոյն ռմբարկուներէն։ 21 տարեկանին, ազգային խումբին հետ, մասնակցեցաւ միջ-արաբական ֆութպոլի մրցաշարգին(1957) եւ նշանակեց 2 կոլեր, Լիբանան գրաւեց 3րդ դիրքը։ 1963ին, Արաբական երկիրներու ախոյեանութեան, խմբապետն էր ազգային խումբին, եւ նշանակեց 6 կոլեր, անգամ մը եւս շահելով պրոնզ մետալ։ ՀՄԸՄԻ հետ ախոյեանութեան տիրած է 4 անգամ, 1954-55,1960-61,1962-63 և 1968-69 տարեշրջաններուն։ Լիբանանի բաժակակիր դարձած է 1961-62 տարեշրջանին։

Լիբանանի ախոյեանութեան լաւագոյն կոլ-սքորըր դարձած է 1962-63 եւ 1966-67 տարեշրջաններուն։ ՀՄԸՄի շապիկը կրած է վերջին անգամ ըլլալով, 1973ին,Նըժմէի դէմ, Հապիպ Ապի Շահլա բաժակի գծով։ Այդ օրը “Ուսթա” Լեւոն նշանակեց մրցումի միակ կոլը։

Անոր շատ առիթներ եկած էին, արհեստավարժ եւրոպական խումբերէ, սակայն միշտ հաւատարիմ մնացած էր ՀՄԸՄի։ Հողը թեթեւ գայ յարգելի եղբայր Լեւոն։

Կարօ  Կերեքմեզեան

 

LEAVE A REPLY

Please enter your comment!
Please enter your name here