Միացեալ Նահանգներ. «Հըզպալլա Քաղաքական Կուսակցութիւն Չէ, Եւ Պիտի Շարունակենք Զայն Հաշուետուութեան Ենթարկել»

0
36

Միացեալ Նահանգներու արտաքին գործոց նախարարութեան բանբեր Ժերալտին Կրիֆիթ երէկ յայտնեց, թէ իրենք ամէն ջանք ի գործ կը դնեն Լիբանանի մէջ փտածութեան դէմ պայքարելու համար:

Ան ընդգծեց, որ Հըզպալլա քաղաքական կուսակցութիւն չէ,  եւ  պիտի շարունակեն զայն հաշուետուութեան ենթարկել` անոր գործած արարքներուն համար:

Կրիֆիթ ըսաւ, որ Միացեալ Նահանգներու համար կարեւոր է կազմել կառավարութիւն մը, որ կրնայ ընդառաջել լիբանանցիներուն պահանջներուն:

Միւս կողմէ, Սէուտական Արաբիոյ արտաքին գործոց նախարար Ֆայսալ պըն Ֆարհան յոյս յայտնեց, որ եղբայր Լիբանանը բարելաւուի եւ իր գերիշխանութեան վերատիրանայ` իր ժողովուրդին ապահովելով աւելի լաւ ապագայ մը` հեռու համայնքային միլիսներէ եւ արտաքին միջամտութիւններէ:

Պըն Ֆարհան անհրաժեշտ նկատեց, որ արաբական ներքին հարցերուն մէջ արտաքին միջամտութիւնները կասեցուին` աւելցնելով, որ իրենք կը մերժեն արաբական երկիրներն ու ընկերութիւնը վերածել ընդարձակումի եւ ծաւալապաշտական այլոց ծրագիրներու հրապարակներուն:

LEAVE A REPLY

Please enter your comment!
Please enter your name here