Լիբանանի Մէջ «Քորոնա» Ժահրով Վարակուածներուն Թիւը Հասաւ 22.983-ի, Մահուան Պարագաներունը` 229-ի, Իսկ Ապաքինածներունը` 7606-ի

0
233
Tahiyah Chmayssani poses for a picture at the Mediterranean Sea corniche in Beirut, Lebanon, Tuesday, July 21, 2020. What would you say to someone if you wanted to convince them to wear a mask: I would say be concerned for your own safety before that of others," Not wear a mask?: "you don't care for yourself" (if you don't wear it). "you don't care for yourself" (if you don't wear it). (AP Photo/Hassan Ammar)

Առողջապահութեան նախարարութեան տեղեկութիւններուն համաձայն, երէկ Լիբանանի մէջ «Քորոնա» ժահրով վարակուածներուն թիւը հասաւ 22.983-ի` վերջին 24 ժամուան ընթացքին արձանագրելով 546 նոր վարակուածներ, որոնցմէ 540-ը տեղացիներ, իսկ 6-ը Լիբանան ժամանած քաղաքայիններ:

Նախարարութիւնը յայտնեց, որ ցարդ «Քորոնա» ժահրով 229 վարակուած պարագաներ մահացած են, իսկ 7606 ուրիշներ` ապաքինած:

Նշենք, որ առողջապահութեան նախարարի պաշտօնակատար Համատ Հասան երէկ այցելեց Հատաթի մէջ զետեղուած իտալական դաշտային հիւանդանոցը` ընկերակցութեամբ Լիբանանի մէջ Իտալիոյ դեսպան Նիքոլեթթա Պոմպարտիէրիի:

Այցելութեան ընթացքին Հասան դրուատեց հիւանդանոցին արդիական եւ բծախնդիր սարքաւորումը` հաստատելով, որ այդ հիւանդանոցը կրնայ բուժել նաեւ Պէյրութի նաւահանգիստի պայթումին հետեւանքներէն տառապողները:

Անդրադառնալով «Քորոնա»-ի համաճարակին` Հասան շեշտեց, որ այդ իմաստով Լիբանան բոլոր վատ բեմագրութիւնները արդէն իսկ շրջանցած է` աւելցնելով սակայն, թէ տակաւին երկիրը ենթակայ է «Քորոնա»-ի համաճարակի վտանգին:

Հասան ընդգծեց, որ Պէյրութի նաւահանգիստի պայթումն ու ժողովուրդին կողմէ իրարու հասնելու հրամայականը, ինչպէս նաեւ հիւանդանոցներուն մէջ ստեղծուած քաոսը պատճառ դարձան, որ վարակուածներուն թիւը բարձրանայ:

«Բայց եւ այնպէս բոլորին զօրակցութեամբ եւ համագործակցութեամբ պիտի կարենանք օրական դրութեամբ վարակուածներուն թիւը հակակշիռի տակ առնել», շեշտեց ան:

LEAVE A REPLY

Please enter your comment!
Please enter your name here