ԲՀԿի Դէմ Նոր Քրէական Գործ Յարուցուեցաւ

0
25

ԵՐԵՒԱՆ, «Ազատութիւն».- Ընտրողներուն կաշառք տալու, կաշառք ստանալու, ընտրութիւններու ընթացքին բարեսիրութեան արգելքի խախտման եւ ընտրողի ազատ կամքի իրականացումը խոչընդոտելու դէպքերու առթիւ յարուցուեցաւ քրէական գործ: Այս մասին յայտնեցին Պետական եկամուտներու կոմիտէէն (ՊԵԿ):

Ըստ հրապարակուած հաղորդագրութեան՝ կատարուած լայնածիր քննչական գործողութիւններուն իբրեւ արդիւնք, փաստացի տուեալներ ձեռք բերուած են, որ «Արարատցեմենտ» ընկերութեան որոշ աշխատակիցներ, ստիպողաբար անդամակցելով «Բարգաւաճ Հայաստան» կուսակցութեան՝ աշխատանքէ արձակուելու սպառնալիքի տակ 6 Մայիս 2012ին տեղի ունեցած Հայաստանի Ազգային ժողովի 5րդ գումարման եւ 2 Ապրիլ 2017ին տեղի ունեցած 6րդ գումարման ընտրութիւններուն ձայներ ապահոված են «Բարգաւաճ Հայաստան» կուսակցութեան համար՝ վերջինիս տրամադրելով կուսակցութեան օգտին իրենց յորդորով կողմ քուէարկելու պատրաստակամութիւն յայտնած անձերուն մասին տուեալներ: Բացի այդ, նոյն ժամանակաշրջանին, «Արարատցեմենտ» ընկերութեան որոշ աշխատակիցներ Արարատի մարզի շարք մը բնակիչներու «Բարգաւաճ Հայաստան» կուսակցութեան օգտին թեր քուէարկելու համար տուած են կաշառք, առաջարկած եւ տրամադրած այլ առաւելութիւններ:

Այս գծով յարուցուած քրէական գործը ուղարկուեցաւ Գլխաւոր դատախազութիւն` քննչական ենթակայութեան հարցը լուծելու համար:

LEAVE A REPLY

Please enter your comment!
Please enter your name here