Լիբանանի Մէջ «Քորոնա» Ժահրով Վարակուածներուն Թիւը Բարձրացաւ 26.768-ի, Մահուան Պարագաներունը` 263-ի, Իսկ Ապաքինածներունը` 10.217-ի

0
38

Առողջապահութեան նախարարութեան տեղեկութիւններուն համաձայն, Լիբանանի մէջ «Քորոնա» ժահրով վարակուածներուն թիւը  26.768-ի բարձրացաւ` վերջին 24 ժամերուն ընթացքին, արձանագրելով 685 նոր դէպք, որոնցմէ 669-ը` տեղացիներ, իսկ 16-ը` Լիբանան վերադարձած քաղաքայիններ: Արձանագրուած է մահացութեան  4 դէպք:

Նախարարութիւնը յայտնեց, որ ցարդ «Քորոնա» ժահրէն  263 պարագաներ մահացած են, իսկ 10.217 ուրիշներ` ապաքինած:

Սրահները, խաղավայրերը, հանրային պարտէզները բանալու նոր որոշում

Ներքին գործոց եւ քաղաքապետութեանց հարցերու նախարարի պաշտօնակատար Մուհամատ Ֆահմի հրապարակեց արդիւնաբերական եւ առեւտրական հաստատութիւններուն աշխատանքային ժամանակացոյցի փոփոխութեան նոր  ոորշում  մը:

Արդ, շարժապատկերի սրահները, թատերասրահները, խաղավայրերը, հանրային պարտէզները, երեխաներու յատուկ խաղի փակ սրահները պիտի վերաբացուին այն պայմանով, որ պահպանուի միայն 50 տոկոս յաճախորդ ընդունելու դրութիւնը եւ յարգուին «Քորոնա» ժահրը կանխարգիլելու բոլոր միջոցառումները:

Տակաւին ուժի մէջ կը մնայ  կէս գիշերուան ժամը 1:00էն մինչեւ առաւօտեան ժամը 6:00ը փողոց դուրս չգալու որոշումը:

LEAVE A REPLY

Please enter your comment!
Please enter your name here