«Միջազգային Պայմանագրերի Մասին» Օրէնքներու Նախագիծերու Ծրարը Պիտի Քննարկուի Արցախի Խորհրդարանին Կողմէ

0
112

ՍՏԵՓԱՆԱԿԵՐՏ, «Ապառաժ».- Արցախի Հանրապետութեան Ազգային ժողովի արտաքին յարաբերութիւններու մնայուն յանձնաժողովը, Վահրամ Բալայեանի գլխաւորութեամբ, 17 Սեպտեմբերին գումարեց իր նիստը։

Նիստին ներկայ գտնուող Արցախի արտաքին գործոց նախարար Մասիս Մայիլեանի առաջարկով, օրակարգին մէջ ընդգրկուեցաւ «Միջազգային պայմանագրերի մասին» օրէնքներու նախագիծերու ծրարը յանձնաժողովի քննարկման ներկայացուց արտաքին գործոց փոխնախարար Արմինէ Ալեքսանեան։ Ան պարզաբանեց առաջարկուող բոլոր փոփոխութիւնները եւ յայտնեց, որ անոնք պայմանաւորուած են Արցախի Սահմանադրութեան պահանջներով:

Պատգամաւորները նախարարին առաջարկեցին օրէնքին ձեւակերպումներուն եւ Ազգային ժողովին կողմէ վաւերացուող պայմանագիրներուն վերաբերող հարցեր:

Օրէնքներու նախագիծերու խրարին մասին պարզաբանումներ տուաւ նաեւ Ազգային ժողովին մէջ Արցախի նախագահի ներկայացուցիչ Արարատ Դանիէլեան:

Յանձնաժողովը քուէարկեց եւ դրական եզրակացութիւն տուաւ նախագիծերու ծրարը Ազգային ժողովի յառաջիկայ նիստին առաջին ընթերցումով քննարկելուն:

Յանձնաժողովի նիստին ներկայ եղան նաեւ Ազգային ժողովի նախագահ Արթուր Թովմասեան եւ փոխնախագահ Գագիկ Բաղունց:

LEAVE A REPLY

Please enter your comment!
Please enter your name here