Ցեղասպանութեան Ուղղակի Եւ Հրապարակային Հրահրումը Կը Քրէականացուի

0
58

ԵՐԵՒԱՆ, «Արմէնփրէս».- Հայաստանի Ազգային ժողովը երկրորդ ընթերցումով եւ ամբողջութեամբ ընդունեց «Իմ Քայլը» խմբակցութեան պատգամաւորներուն  ներկայացուցած  նախագիծը, ուրկ՛առաջարկուի քրէականացնել Ցեղասպանութեան ուղղակի եւ հրապարակային հրահրումը:

Հայաստանի Հանրապետութեան քրէական օրէնսգիրքին մէջ լրացումներ կատարելու նախագիծը Ազգային ժողովի նիստին քուէարկութեամբ ստացաւ 121 թեր ձայն:

Նախագիծով կը սահմանուի, որ Ցեղասպանութեան ուղղակի եւ հրապարակային հրահրումը կը պատժուի բանտարկութեամբ՝ ութէն տասը տարի ժամկէտով: Նոյն արարքը եթէ կատարուի զանգուածային լրատուութեան միջոցներով կամ համակարգչային համակարգի միջոցով, խումբ մը անձերու կողմէ նախնական համաձայնութեամբ՝ կը պատժուի 10-14 տարուան բանտարկութեամբ։

Նոյն արարքը եթէ կատարուի կազմակերպուած խումբի կողմէ, պաշտօնական դիրքը օգտագործելով` կը պատժուի 14-20 տարուան կամ ցման բանտարկութեամբ։

LEAVE A REPLY

Please enter your comment!
Please enter your name here