ԺՈՂՈՎՐԴԱՅԻՆ ՄԱՍՆԱԿՑՈՒԹԵԱՄԲ ԸՆԹԱՑՔ ԱՌԱՒ «ԱՆՎՃԱՐ ՀԱԳՈՒՍՏԻ ԱՇԽԱՐՀ» ԾՐԱԳԻՐԸ

0
104

Երեքշաբթի, 22 Սեպտեմբեր 2020-ին, Ս․ Քառասնից Մանկանց եկեղեցւոյ շրջափակին մէջ ընթացք առաւ Ազգային Առաջնորդարանի Ընկերային Ծառայութեան Բաժանմունքի կազմակերպած «Անվճար հագուստի աշխարհ» ծրագիրը։ Յաջորդական չորս օրերու ընթացքին, Բաժանմունքը անվճար կերպով մեր ժողովուրդին տրամադրութեան տակ կը դնէ բոլորովին նոր կամ լաւ վիճակի մէջ եղող տարբեր տարիքներու վերաբերող հագուստեղէններ, որոնք անցնող ամիսներուն հաւաքուած են անհատներու եւ հաստատութիւններու նուիրատուութեամբ:

Առաջին օրը, Ընկերային Ծառայութեան Բաժանմունք հանդիպեցաւ եւ «Անվճար հագուստի աշխարհ» ծրագիրին ծանօթացաւ Լիբանանի Հայոց Թեմի Առաջնորդ Գերշ․ Տ․ Շահէ Արք․ Փանոսեան ընկերակցութեամբ՝ Ազգային Վարչութեան ատենապետ Պրն․ Ռաֆֆի Սիսլեանին։ Նոյն նպատակով, չորեքշաբթի օրը Ազգային Վարչութեան անդամ եւ Ընկերային ծառայութեան բաժանմունքի ներկայացուցիչ Տիկին Վարդինէ Օհանեան-Գէորգեան անձամբ հետեւեցաւ աշխատանքներու ընթացքին։

Ընկերային բաժանմունքին կողքին, ծրագիրին կամաւորաբար կ՛օժանդակեն եւ առողջապահական պայմաններուն կը հսկեն եկեղեցիներու տիկնանց յանձնախում-բերը:

Յայտնենք, որ ծրագիրը կը շարունակուի մինչեւ Ուրբաթ, 25 Սեպտեմբեր 2020, առաւօտեան ժամը 10։00-էն մինչեւ յետմիջօրէի ժամը 4։00։

Այս առթիւ կոչ կ՛ուղղենք հագուստի վաճառականութեամբ զբաղող մեր հայրենակիցներուն եւ անհատ բարեկամներու, որպէսզի իրենց ունեցած նոր կամ լաւ վիճակի մէջ եղող անգործածելի հագուստեղէնները փոխանցեն Ազգ. Առաջնորդարանի Ընկերային ծառայութեան Բաժանմունքին, յարմարագոյն ձեւով զանոնք մեր ժողուրդին տրամադրելու նպատակով:

 

 

ԱԶԳ. ԱՌԱՋՆՈՐԴԱՐԱՆԻ ԸՆԿԵՐԱՅԻՆ ԲԱԺԱՆՄՈՒՆՔ

 

LEAVE A REPLY

Please enter your comment!
Please enter your name here