ՀՈԳԵԲԱՆԱԿԱՆ ԵՒ ՀՈԳԵՒՈՐ ՀՈԳԱՏԱՐՈՒԹԻՒՆ

0
54

Յաղթահարելու համար Պէյրութի նաւահանգիստի պայթումին պատճառով մեր հայրենակիցներուն մօտ ստեղծուած հոգեբանական լուրջ դժուարութիւններն ու խնդիրները, գործակցաբար Լիբանանահայութեան Վերականգնումի Մարմինին, Ազգային Առաջնորդարանի Ընկերային Ծառայութեան Բաժանմունքը կը կազմակերպէ հոգեբանական հոգատարութեան աշխատանք մը, որ պիտի սկսի Շաբաթ, 26 Սեպ-տեմբեր 2020-ին, Ընկերային Ծառայութեան բաժանմունքի կեդրոնէն ներս (Նախկին Քառանից Մանկանց Վարժարանի շէնքին մէջ):

Ծրագիրը, որ պիտի իրագործուի մասնագէտ հոգեբան-հոգեբուժերու եւ հոգեւորականներու մասնակցութեամբ, նկատի առնուած է առաւելաբար պայթումին զոհուած հայրենակիցներու ընտանեկան պարագաներուն ու պայթումին հետեւանքով ցնցումներու ենթարկուած անհատներու եւ Լիբանանի մէջ տիրող ընկերային ու տնտեսական կացութեան հետեւանքով հոգեբանական կամ հոգեւոր խորհրդատը-ւութեան ու հոգատարութեան կարիքը ունեցողներու համար։ Աշխատանքը պիտի կատարուի կարիքի համաձայն՝  անհատական կամ խմբային հանդիպումներով:

Ուստի, դժուարութիւններու մատնուած մեր հայրենակիցներուն կը յանձնարարենք, որ մասնակցութեանց եւ յաւելեալ տեղեկութիւններու համար, առաւօտեան ժամը 8։00-էն մինչեւ յետ միջօրէի ժամը 4։30, հեռաձայնի 01-261-117 թիւով, կապուին Բաժանմունքի պատասխանատուին հետ եւ ստանան անհրաժեշտ ցուցմունքներ։

ԱԶԳԱՅԻՆ ԱՌԱՋՆՈՐԴԱՐԱՆԻ
ԸՆԿԵՐԱՅԻՆ ԾԱՌԱՅՈՒԹԵԱՆ ԲԱԺԱՆՄՈՒՆՔ

LEAVE A REPLY

Please enter your comment!
Please enter your name here