Հայկական Եւ Ռուսական Ուժերը Համահունչ Գործած Են

0
43

ԵՐԵՒԱՆ, «Արմէնփրէս».- «Ալագեազ» զօրավարժարանին մէջ, «Կովկաս-2020» ռազմավարական հրամանատարական կազմերու զօրավարժութեան կրակային փուլին, Հայաստանի զինուած ուժերը յարձակեցան պայմանական հակառակորդին վրայ: Կատարուած գոռծողութեան արդիւնքները պիտի ամփոփուին աւելի ուշ: Զօրավարժութեան մասնակցեցան Հայաստանի զինուած ուժերու եւ Ռուսիոյ Հարաւային ռազմական ջոկատի ստորաբաժանումները:

Լրագրողներու հետ ունեցած զրոյցի մը ընթացքին հայ-ռուսական միացեալ խմբաւորման հրամանատար, զօր. Տիգրան Փարվանեան ըսաւ, որ 21 Սեպտեմբերին սկսած զօրավարժութիւնները պիտի շարունակուին մինչեւ 26 Սեպտեմբեր՝ հաստատելով, որ զինուորները շատ լաւ կատարած են իրենց առջեւ դրուած մարտական պարտականութիւնները։

Ըստ անոր՝ զօրավարժութիւններուն ընթացքին պայմանական հակառակորդը «խախտած էր» սահմանը, հայկական կողմը «ետ շպրտեց» հակառակորդը եւ «վերականգնեց» պետական սահմանը:

Հայ-ռուսական միացեալ զօրավարժութիւններու կարեւորութեան մասին խօսելով՝ ան յայտնեց, որ այսպիսով կարելի կ՛ըլլայ զօրախումբին մէջ գործել մէկ հրամանատարութեան տակ:

«Այստեղ կայ ներդաշնակութիւն. ե՛ւ հայկական կողմը, ե՛ւ ռուսականը երկուստեք շատ համահունչ գործեցին: Ես գոհ եմ այսօրուայ իրականացուած զօրավարժութիւնից», ընդգծեց Փարվանեան՝ աւելցնելով, որ եղած են նաեւ շատ փոքր թերութիւններ:

Հրասայլի անձնակազմերը զօրավարժութիւններու կրակային փուլին օգտագործեցին ժամանակակից զինուած բախումներու մարտական իռենց փորձառութիւնը եւ, օգտագործելով մարտավարական հնարքներ, ոչնչացուցին պայմանական հակառակորդին զինուորական համակարգը:

Կրակի կառավարումը ապահովեցին անօդաչու թռչող սարքերը: Գործնական վարժանքներուն մասնակցեցան հրաձգային, հրետանային, հրասայլի, օդուժի եւ հակաօդային պաշտպանութեան ուժեր եւ միջոցներ:

LEAVE A REPLY

Please enter your comment!
Please enter your name here