2019ին Թրքական Մամուլին Մէջ Ամէնէն Շատ Ատելութեան Խօսքի Թիրախ Հայերը Եղած Են

0
45

ՊՈԼԻՍ.- Հրապարակուեցաւ «Հրանդ Տինք» հիմնարկին կողմէ իրականացուող «Ատելութեան խօսքը մամուլին մէջ» նախագիծին պատրաստած նոր զեկոյցը: Զեկոյցին մէջ ներկայացուած է 2019-ին ցեղային, կրօնական եւ այլ խումբերու մասին թրքական մամուլին մէջ կիրառուած ատելութիւն ընդգրկող կամ սերմանող խօսքի ծաւալները եւ քանակը: Զեկոյցին համար ուսումնասիրուած էեն մամուլի 4364 հրապարակումներ, որոնց մէջ, ընդհանուր առմամբ, մօտաւորապէս 80 տարբեր խումբերու մասին օգտագործուած են 5515 ատելութեան խօսքեր:

Ատելութեան խօսքի թիրախ դարձած խումբերը հետեւեալներն են.

Հայեր՝ 803 ատելութեան խօսք

Սուրիացիներ՝ 760

Յոյներ (Յունաստանի)՝ 754

Հրեաներ՝ 676

Յոյներ (Թուրքիոյ, Կիպրոսի եւ այլն)՝ 603

Քրիստոնեաներ՝ 334:

Հայերը թիրախաւորուած են յատկապէս Խոջալուի դէպքերուն եւ Հայոց Ցեղասպանութեան նիւթով յօդուածներու մէջ: Ընդհանուր առմամբ ատելութեան խօսքի 51 տոկոսը հրապարակուած է տեղական, իսկ 49 տոկոսը հանրապետական ծաւալով մամուլին մէջ:

LEAVE A REPLY

Please enter your comment!
Please enter your name here