Աննախընթաց Մրցանիշ Կտրելով` «Քորոնա» Ժահրի 1143 Պարագայ Եւ Չորս Մահ

0
72

«Քորոնա» ժահրը1143 պարագայ արձանագրեց  երէկ Լիբանանի մէջ եւ պատճառեց 4 մահ: Հետզհետէ սաստկացող վարակի այս երեւոյթը զօրաշարժի ենթարկեց պատկան մարմինները: Արդարեւ, կրթական վերամուտը մինչեւ 12 հոկտեմբեր յետաձգելէ ետք, լիբանանեան զանազան շրջաններու (Քուպայյաթ, Արամուն…) քաղաքապետութիւնները որոշեցին ինքնակամ կերպով ու անորոշ ժամանակով փակել իրենց շրջանները եւ խստացնել կանխարգելիչ միջոցառումները:

Նաեւ` Լիբանանեան Բանտերու Մէջ

Համավարակը թափանցած է նաեւ լիբանանեան զանազան բանտեր: Այս պատճառով բանտարկեալներու ընտանեկան պարագաներ երէկ փակեցին Ռումիէի թէ Զահլէի բանտ առաջնորդող ճամբաները` պահանջելով անմիջական լուծում գտնել իրենց հարազատներու փրկութեան համար` համաներում շնորհելով անոնց: Ըստ Ռումիէի արգելափակեալներու ծնողներուն, 250 բանտարկեալ վարակուած է  տարբեր բաժանմունքներու մէջ:

LEAVE A REPLY

Please enter your comment!
Please enter your name here