ՆԻԿՈԼ  ՓԱՇԻՆԵԱՆ՝ ՀԱՅՐԵՆԻՔԸ  ՈՉ ՄԷԿ ՄԻԼԻՄԵԹՐ ՉԻ ԶԻՋԻՐ – ՕՐԱԿԱՐԳԻ ՎՐԱՅ ԱՌԿԱՅ Է ԱՐՑԱԽԻ ԱՆԿԱԽՈՒԹԻՒՆԸ  ՃԱՆՉՆԱԼՈՒ ՀԱՐՑԸ

0
79

Հայաստանի վարչապետ Նիկոլ Փաշինեան Ազգային ժողովին առջեւ խօսք առնելով  յայտարարեց, թէ հայ ժողովուրդը  ծունկի չէ եկած  եւ չի գար,  հայրենիքը  ոչ  մէկ  միլիմեթր   չի զիջիր:

Փաշինեան  շեշտեց, թէ  հայ ժողովուրդը պէտք է ամուր կենայ իր ոտքերուն վրայ եւ պաշտպանէ այս սրբազան  հողին վրայ ապրելու  իրաւունքը:

Իր խօսքէն  ետք,  «Լուսաւոր Հայաստան» խմբակցութեան  ղեկավար  Էտմոն Մարուքեանի  հարցումին պատասխանելով,  վարչապետ Նիկոլ Փաշինեան յայտնեց, թէ  օրակարգի վրայ առկայ է  Արցախի անկախութիւնը   ճանչնալու հարցը:  «Մենք գնում ենք այդ  քայլին, թէ  չենք գնում. պէտք է այդ հարցը շատ լրջօրէն  քննարկենք  եւ  գործնականում հիմա նաեւ, գուցէ, հանրային  քննարկում սկսի» պատասխանեց  Հայաստանի  վարչապետը:

Եւրոպական  Խորհրդարանի անդամ, ԵԺԿ խմբակցութեան  արտաքին հարցերու  խօսնակ Միքայէլ Գալեր  Ազրպէյճանէն  պահանջեց անյապաղ  դադրեցնել  Լեռնային  Ղարաբաղի մէջ   ռազմական  գործողութիւնները:

Հայաստանի  պաշտպանութեան նախարարի տեղակալ Արթուր Սարգսեան յայտարարեց, թէ  նախնական տուեալներով,  հայկական կողմը ունի  16  նահատակ  եւ հարիւրէ աւելի  վիրաւոր:

LEAVE A REPLY

Please enter your comment!
Please enter your name here