ՌԱԶՄԱԿԱՆ ԴՐՈՒԹԻՒՆ ԵՒ ԸՆԴՀԱՆՈՒՐ ԶՕՐԱՀԱՒԱՔ -ՓԱՅԼԱՆ ԹՈՒՐՔԻՈՅ  ԿՈՉ  Կ’ԸՆԷ  ԴԱԴՐԻԼ  ԿՐԱԿԻ ՎՐԱՅ ՊԵՆԶԻՆ   ԼԵՑՆՈՂ ԸԼԼԱԼԷ:

0
89

Արտակարգ   նիստ մը գումարելով, Հայաստանի  հանրապետութեան կառավարութիւնը     յայտարարեց  ռազմական  դրութիւն եւ   ընդհանուր զօրահաւաք:

« Սիրելի  հայրենակիցներ,  հիմա կառավարութեան որոշումով Հայաստանի հանրապետութեան  մէջ յայտարարուեցաւ   ռազմական դրութիւն եւ ընդհանուր զօրահաւաք: Որոշումը ուժի մէջ կը  մտէ հրապարակուելէ անմիջապէս ետք:

Կոչ կ’ընեմ զօրքերուն  մէջ ցանկագրուած անհատներուն  ներկայանալու տարածքային զինուորական խորհուրդի կեդրոները:

Յանուն  հայրենիքի, յանուն  յաղթանակի».  յայտարարեց Փաշինեան:

Թրքական խորհրդարանի հայազգի անդամ Կարօ Փայլան  Թուրքիոյ կոչ ուղղեց դադրիլ կրակի վրայ   պենզին  լեցնող  երկիր  ըլլալէ: « Ղարաբաղի  մէջ կ’ընթանան  լայնածաւալ  բախումներ հայ –ազերիական զօրքերու միջեւ: Մեր երկիրը (Թուրքիա)  պէտք է դադրի  կրակի վրայ  պենզին  լեցնող երկիր ըլլալէ: Այս պատերազմը պիտի   չունենայ յաղթող:  Մեր վրայ վերցնենք  կրակը դադրեցնելու պատասխանատուութիւնը». յայտարարեց  Փայլան:

LEAVE A REPLY

Please enter your comment!
Please enter your name here